#NSS個人
[skhlmcss (吾好出名please)] 覺得好辛苦
講返小小背景先,本人係一個中五學生,由中一一個人都吾識,到依家叫做揾到一班傾得下偈嘅「朋友」,分別係同學A、同學B、同學C、同學D、同學E&同學F。
大家大概中三開始玩埋堆、中四開始熟絡起嚟,直到疫情開始網課,大家會係wts吹下水,一直都好好。
但係自從今年恢復面授,我發現同學A吾鍾意同學D,好明顯咁杯佢,咁我太天真啦,我希望大家可以keep friend,吾好零舍杯其中一個人,真係好難有一班朋友可以成班人一齊玩。
我吾迫其他人同我一樣諗法,我覺得俾人杯好慘(自己經歷過),我會陪同學D傾計、陪佢玩,但係漸漸地我發現大家除左有個大group之外,另外有一個係淨係冇咗我&同學D,好明顯㗎!當成班人傾計嗰陣時,佢哋話睇wts啊,成班人攞部電話出嚟睇,係得我&同學D收吾到,咁心照啦,明面上淨係杯同學D,但係我覺得自己其實被人杯埋一份。
我本身好努力咁想同佢哋做返friend,但係我發現大家會私下約,完全將我隔絕在外,我想約佢哋一齊玩嗰陣時佢哋又話約咗人但係好得意喎另外嗰頭佢哋又會一齊出去食飯&玩。
當佢哋有需要嗰陣時,就即刻會同我做返friend喎。其中同學B&C又會同我傾計但其實杯埋一份。
望住佢哋玩嗰陣我其實喺度諗,嫌我煩咪直接開聲囉,咁樣杯法辛苦我又辛苦你哋,需要我嗰陣就同我傾計玩好聲好氣,唔需要我嗰陣?行開一邊算啦。
自己一個人嗰陣就會諗點解個個人都咁假,呢頭同你好老友,個頭喺度講你壞話,係我太天真覺得朋友就係朋友,一路都想維繫到呢段友情。
自覺自己平時喺其他人面前好樂觀,但係其實好怕孤獨,打出嚟舒服曬。
我好想屌醒自己,但係又唔捨得呢段友情,麻煩各位屌醒我🙇🏻♀️
多謝大家耐心睇到呢度
文筆唔好,諗到乜嘢就打咗乜嘢
如有錯字,煩請各位見諒🙇🏻♀️