#NSS學業
[某band 1 中學] 如果我表達得唔清楚，希望能夠原諒下我中文唔合格。
我今年讀f1，小學成績係經常全級第一嗰啲，但上到中學就變成中下，好多科唔合格。可能就係咁所以有啲學習壓力。
話說有一日，一切都好正常，我都係如常返學。咁我哋學校要一朝早交電話，唔係就會記缺點，嗰朝我唔記得交電話，所以就放咗喺書包。
小息嘅時候，我個人突然好似夢遊咁，控制唔到同唔知自己做咩，冇意識自己做緊啲咩。印象中，我突然收好書包，攞咗部電話出嚟開機。正常情況下，我當然唔會咁做，因為我唔會想被人扣分。班長問我做乜攞部手機出嚟，印像中，我好似話: 攞出嚟咪有囉。跟著就冇印象啦。
跟著我唔知點解咁落咗地下，仲差啲出埋學校門口。但就喺嗰時又唔知點解上返去。
小息完咗，我個人又正常返，就好似個靈魂返嚟個身體上，但係就已經對頭先發生嘅嘢冇乜印象。
上堂嘅時候，我就突然間好想喊，跟住就同老師講我要去廁所，跟住就係廁所喊咗兩堂。
想問吓究竟點解我會咁？有冇人有類似經歷？係唔係因為我精神有啲問題？係唔係有壓力先會咁？我究竟應該點樣做？點樣避免再次發生？應唔應該去見社工？
如果你知我係邊個，希望你唔會爆我個名出嚟，多謝你睇到呢度，希望你能夠解答我。