[GUEST] 小妹今年f3, f6畢業之後想去外國嗰邊讀書(暫時想去澳洲), 可以嘅就順便喺嗰邊發展同生活。但基於以下原因我都唔知點好。
我屋企嘅經濟條件供應唔到比我去外國讀書, 我係住公屋, 父母一個月嘅收入唔算好多, 依家我有補習中英數, 已經洗咗父母唔少錢, 我想報某啲興趣班 嘗試唔同嘅新事物 培養興趣, 同埋想買多啲書, 都唔可以好似人哋咁想要就可以即刻報即刻買。 加上去嗰邊讀書, 起碼都要去一次澳洲了解下個環境先, 我從來都未試過出國, 去旅行都冇錢, 要出國讀書可謂天方夜譚… 外國讀書一年嘅學費咁貴(其實我唔知幾多錢, 但一定好貴) ,當依家開始儲錢都應該係冇可能有足夠嘅金錢供應到我去外國嗰邊讀書啦。
除咗經濟問題, 仲有一個原因就係我健康問題。我嘅身體比較差, 有慢性疾病, 要長期食藥同埋定期覆診, 飲食方面又要食得比較營養。仲有就係喺外國嗰邊係咪會比較少菜食？番茄 紅蘿蔔呢啲我係唔食得, 淨係可以食綠色蔬菜, 但外國好似冇香港咁多菜買同種類冇咁多？頭先講咗經濟問題, 除咗補習, 我睇醫生, 覆診, 照呢樣嗰樣, 認真洗咗父母唔少錢。我阿媽想我去澳洲嘅原因係因為嗰邊嘅氣候較和暖,冇其他國家咁冷, 覺得我嘅身體適合嗰邊。但因為我身體差, 佢唔放心我一個人去嗰邊讀書, 要定期覆診好麻煩, 唔知點樣好。見到有啲人投稿話移民去外國後, 由本身外向樂觀嘅都變得好憂鬱, 好後悔去嗰邊 。加上我個人係比較敏感, 焦慮, 容易胡思亂想, 同埋比較易憂鬱, 去到嗰邊如果唔開心, 假設冇朋友/畀人排擠etc, 又冇人傾訴嘅, 患咗抑鬱點算? 而且得我一個去, 我媽一定會日日夜夜咁擔心, 佢話如果我去佢都要同我一齊去, 照顧我嘅身體。但問題就係我阿媽係唔識英文嘅, 如果我唔喺佢身邊佢又要出街咁點樣好？假設搭車/問路/求救etc都唔知點好啦。
我阿媽上禮拜同我講話想我去澳洲嗰邊讀書，可以就順便喺嗰邊發展，我聽到嗰陣真係超開心，跟住又即刻上網睇關於澳洲嘅大學等等嘅資料。但興奮過後，佢又叫我唔好諗咁多，話根本就冇錢畀我去，而且我身體差佢唔放心。我都明嘅，其實我就冇話咩特別原因想去嗰邊，但可能因為我想試下新嘢 轉下新環境咁，加上見好多人都去外國讀書同移民所以自己都想去(?) 同埋將來香港唔知變成點🤦♀️
雖然我英文唔係話特別好(尤其oral方面) ，但都係喺一間英中學校讀書，仲有三年時間我可以努力，唔太擔心英文差溝通唔到。上述提及到嘅原因 ，我都唔知點好，但我都好想試下去外國讀書。
我嘅夢想係做職業治療師或者讀Health Science嗰啲，但我唔清楚澳洲嘅職業治療, health sci好唔好，喺嗰邊讀完返嚟香港發展會唔會話好啲? 抑或係係嗰邊讀跟住喺嗰邊發展賺唔賺到多錢? 其實Health science喺香港讀定係外國讀會好啲？
好希望睇到呢度嘅人，特別係喺外國讀書嘅人，或者有讀occupational therapy /health science (係咩國家讀都好)，可以留言分享下自己嘅經歷或者睇法 Thank you🙇♀️🙇♀️
–
Sorr for 1999 同標點上嘅錯誤