想問下我可以點做/面對？
小弟今年中三，有個八歲嘅細佬
細個嗰陣我哋一家關係都好融洽，冇乜拗撬，但係自從我阿媽轉左工之後（我嗰陣小三），對我哋態度唔同曬，成日無端端發我哋脾氣，同我講老豆有幾哀，有幾唔好，又話留喺度係為咗我哋。
起初我只係覺得佢份新工壓力好大，所以冇特別去追問究竟發生咩事。
有次唔覺意望到阿媽同個男同事傾計（啲對話好曖昧），後來先發現原來佢哋每日都會分享自己嘅事，甚至傾好多私人野，每次問起個男同事阿媽都會轉移話題，直到有次跟阿媽聚餐先知道原來佢有家室嘅，於是都冇再去特別懷疑。
大概中二下學期冇耐（20年頭），阿媽又轉左工，態度差，冇原因咁大吵大鬧已經係家常便飯，老豆一返到屋企又掛住打機，根本冇人理我同細佬嘅感受。
由於父母都係做醫護，老豆因為工作嘅地方有疑似個案所以要入隔離營十四日，阿媽開始早出晚歸，凌晨又以「行夜山」作藉口出去，兩個禮拜都係出面過夜，直到老豆返嚟之後，阿媽突然同我講話佢遲啲要暫時分居，但又唔肯同我講細節。
我滿頭問號，趁佢沖涼嗰陣偷睇佢WhatsApp，發現佢個同事send左堆類似分手文嘅嘢🥲
喺ig fb揾左好耐之後先發現嗰個同事竟然為咗我阿媽而同個老婆離婚，自己獨力養大個仔，最可笑嘅係我阿媽已經有新歡，就係晚晚都同佢「行夜山」嗰位新同事。
（後來先知原來老豆一直都知呢件事，但係唔想我哋家庭破滅所以忍咗足足六年）
之後阿媽仲狡辯話「我有自由去愛或唔愛一個人」
我從此以後冇再見過佢
亦都唔知點面對佢
對戀愛呢樣野冇曬信心
一諗起就覺得好噁心🤮
佢哋結婚前半年已經有左我🙂
佢哋係咪唔小心有咗我？
如果我當初冇出世，可能佢哋過得俾而家好好多，再唔會有任何煩惱
如果我唔喺度佢哋會唔會好過啲？
希望大家可以教下我可以點做🙏，sorry for 1999🙇♂️