#NSS個人
[GUEST] Hello, 我第一次喺度投稿，想分享下去英國嘅心得，同埋因為聽到幾多人話英國讀書好正，所以想澄清一下，可能會有D長：/
咁我父母都頂唔順個垃圾政府（兩個都黃到直頭想買起林奠），所以佢哋帶埋我移民咗嚟英國，一開始未嚟之前我係有D興奮，不過驚多，畢竟係一個完全陌生既地方，而且父母係用BNO過嚟，所以我係讀政府學校（中學）（通常全間學校都係本地人）
咁不出所料，全級得果一個亞洲人，不過好彩既係我適應能力強，好快已經識到勁多玩得嚟既friend。雖然我英文唔太好，但總算可以流流利利咁溝通到，同埋我最擔心既歧視問題一D都無發生過。
問題嚟啦，英國政府學校既Policy喺好唔Make sense，同香港對比，直頭係完全唔用腦出果隻。例如PE 堂換衫，成三十幾條友迫喺一個細到無倫既更衣室（疫情無咁嚴重果陣反而比你着PE衫返學，依家有變種病毒先唔比）…英國人喺防疫方面係白痴。另外佢哋上堂係要你上堂自己聽實抄notes，絕對唔會提供Textbook，而考試就係用返果本note嚟溫，that means如果你聽漏咗少少或者果日absent 就可能miss左成part，（果陣時未適應到，所以完全應驗喺自己身上，作為一個喺香港讀咗11年書既學生，無咗本書我係周身唔聚財，加上本人係上堂唔多聽書，考試前自己溫果D人嚟）仲有好多其他種種因素搞到我愈嚟愈憎間學校。做過少少research，大部分英國學校都係咁。
我一直都有keep住睇香港既新聞，同埋參加英國集會，尤其睇到係而家發生果D，令我好好好心痛，覺得自己乜9都做唔到。所以我每當質疑過嚟英國啱唔啱，就會諗起我可能好過某D其他人。但真係好辛苦，我有好多野都適應唔到，嚟到我留意既所有野都係香港，新聞，電視劇…真係好掛住香港所有野，以前D friend，環境事物…唉，同埋最重要係好悶，不過老豆買咗過可以睇到全球所豆同電影既電視盒，都解決咗幾多，起碼可以追Viu TV啲劇😂
整體嚟講有好有唔好啦，因人而異。如果你睇到呢度，諗住plan嚟英國讀政府學校(中學）既，真係三思，諗下會唔會讀私校或者去加拿大😂因為你過到嚟有3過可能性：壓力大死，悶死，或者Homesick死（講笑啫）😂
Sorry for 1999 第一次投搞，唔太清楚，希望我唔會有太多錯字la，同埋你地睇得舒服la（勁耐無打過咁長既中文）
蘋果加油！
Admin po ig thx ：）