#NSS學校
[HSS] 長文慎入
小妹中一，喺呢咁多個月嘅中一生涯裏面淨係識到兩個friend。
佢哋兩個分別係A、B，兩個啲成績都好過我。不過近排我同A啲關係變差左，原因有以下幾個：
一，A好八卦，個同學又唔係搵佢，佢就特登走埋嚟喺度問咩呀咩呀，我同阿B講緊秘密，佢又喺度伸個頭埋嚟喺度聽。開學嗰陣遇見佢，佢又真係好樂於助人，所以真心想同佢做friend，點不知到而家佢突然變得好八卦，我就唔想再接近佢。佢都feel到我開始遠離佢。
二，我成績唔係太好。開學以來嘅測驗考試，咁多次以來我同佢講親啲成績都係我差。比較起來咁多科入邊我數學係好過佢，不過每次同佢講我又幾多分佢又幾多分，佢就喺度話：「喂你咁高分！唔同你玩啦！講笑啫！」我心諗：咁多科入邊剩係得數學高過你，咁其他科呢？你都高過我囉，又唔見我咁樣話你？唔知係咪因為我成績太差佢開始遠離我，甚至唔問我幾多分因為佢都知道我好差。（但係我都係合格嗰隻）
三，A同B都住喺同一區，所以佢哋一齊返放學，一齊嘅時間多咗，關係自然都會好啲。上次佢哋一齊同其他同學出街都唔叫埋我，影咗好多相，仲光明正大咁樣係我面前講：「喂點解啲相影到咁暗嘅？阿XXX filter 完靚好多。」我果下真係好嬲，已經唔想再同佢交往。
四，我feel到佢明顯地同B比較friend，有啲嘢我哋兩個都冇帶，佢一定係會借俾B先，見仲有剩先會借埋比我。上次老師要做個問卷調查， 個老師問B：「同學，你班上面嘅best friend係邊個呀？」跟住B答：「佢！ （指住A）」個老師就問：「咁同學可唔可以做個問卷調查啊？」B就做左，不過我聽到個老師問：「咁你哋平時會一齊做啲咩？」A:「我哋會一齊去玩，做功課，食飯，傾偈」
我好僧A，自從呢次問卷調查，同埋上次出完街之後，我就唔想同A講一隻字
啱啱可能講A講到你都睇得有啲厭啦，而家講吓B先。我個人比較鍾意B，佢又唔會好驕傲，傷心嘅時候真係會安慰你。完全唔八卦，講嘢令人聽得好舒服。係一個真正嘅friend。小息嘅時候都會走過去問吓佢野，不過A就會突然喺度問：「喂B，陪我去廁所啊！」A問都唔問我就走咗去。不過冇辦法啦！我同B野都未講晒就走咗去
我已經開始接近其他同學（H) ，但係其他人喺我講嘢嘅時候完全無視左我嘅說話，講第四五次佢哋先聽到我講嘢。我走埋去佢哋都會用啲奇異嘅眼光睇吓我，我成績又唔係出眾，啲老師又唔會成日提起我個名。所以佢哋都好似對我好陌生咁。其他同學同H講嘢嘅時候， H都會回應一下佢哋講嘅嘢，但到我講嘅時候，佢就會好似好唔想答咁樣，可以講幾少就講幾少。
我社交能力好差，所以好難識到朋友。閣下有冇乜嘢提點可以俾我呢？我真係好想識多幾個friend，見住人地個個小息都喺度一齊傾偈，我就企喺課室門口睇風景，好自卑
多謝你睇到呢度，我真係感覺好孤獨，我而家眼淚都標緊出嚟……我真係唔想再生存係呢個世界上，無人欣賞我……
我會努力生存到中二
辛苦晒Admin