#NSS社會
[GUEST] 事源於小弟無聊得濟，無啦啦諗到關於sp同埋其他關於性嘅嘢，想同大家討論吓同講下我對sp嘅睇法，希望大家可以認真睇一睇。
而家上網成日見到好多人都有講關於自己嘅性生活，尤其是經常都會見到D有男女朋友嘅人話接受到/自己有sp。唔知係咪我思想比較守舊，定係我嘅諗法比較落後，我認為男女關係之間唔應該有不忠嘅情況，甚至sp根本就係唔應該存在嘅嘢。首先，有人認為sp淨係有性嘅關係，純粹只係扑完嘢爽完就算，唔會有其他感情瓜葛。就算搵sp都只係肉體關係，仍然係愛緊另一半，所以唔存在出軌嘅問題。但係咁樣真係叫做愛緊另一半咩？換個角度，你條女/仔出係搵其他人扑嘢你真係接受到咩？真心鍾意一個人真係會願意隨便將自己嘅肉體比個sp？其實咁樣對另一半真係好唔公平，人哋真心對待你，你就求求其其同人地扑完嘢爽完就搵返另一半。如果係女嘅仲衰。要知道除咗結紮之外無一種避孕措施係100%有效，就算真係做足避孕去玩嘅，都有微小嘅機會中招。萬一真係瀨嘢嘅，你估條仔真係會on99咁幫你執手尾咩？唔通搵個sp負責咩，人哋都係爽完就算架喇。最後結果一係生落嚟、一係落咗佢。大佬，人命嚟㗎，生落嚟你係咪有能力照顧佢半世先？落咗佢嘅話你係咪唔會後悔先？所以真係勸大家唔好出去搵sp，乖乖地返屋企扑嘢算啦，費事最後出事先嚟後悔。
另外，都想講吓性嘅睇法。而家都2021年，性開放嘅程度係比以前高咗好多，但係我覺得好多人對“性開放”嘅本質有d誤解。首先，我認為性開放係好事，大家可以將“性”呢件事大方而且唔怕尷尬咁攞出嚟講，唔再當作為一件好羞恥嘅事。我認為性開放嘅觀念係接受佢嘅存在而且將佢融入生活，例如大家可以喺日常分享吓性嘅睇法，可以好似外國d youtube channel/social Media 到分享吓同屋企人講下dirty jokes嘅片咁，而唔係傳統華人家庭咁對性避而不談。但係好多都誤會咗做係“性行為開放”,好多時候睇到一d關於未成年發生性行為嘅報道或者話題，難免都會見到有d comment係話:「外國都係咁，其實無咩大不了。」其實好多人都攞所謂「外國常態」去粉飾呢d行為。
舉個另一個例子，台灣某知名youtuber：小X哥X理，專係隨街訪問一d女性（有可能係夾稿），問佢哋私人嘅性事或者睇法。有人覺得呢d冇乜問題，都係討論吓啫。部分台灣人就認為呢d係性開放。但係其實我覺得呢d片真係好撚on9,先唔講d片係咪排過戲。你無啦啦周街問人平時同開邊d人扑嘢，扑幾多次嘢，用咩姿勢。咁樣你唔覺得好撚有問題嘅咩？其實咁樣你只係性騷擾緊人，唔係話你周街問人呢d嘢就叫性開放㗎喎，完全係兩樣唔同嘅嘢嚟。我當然知鏡頭後一定剪接，唔係全部人都會接受訪問。如果隔離真係d唔識你嘅人，見到有條女俾人問埋d私人嘢，真係有可能報警拉鳩你㗎喎😂。呢d片真係影響到唔少人，以為周街問人性事就係開放，搞到愈嚟愈多人曲解咗性開放呢個觀念。
呢d就係我嘅睇法，純粹只係想搵一d有正常人嘅匿名平台可以表達吓我嘅意見，好多謝你可以睇我鳩噏睇到呢到。
p.s. 希望唔好有d懶係搞笑懶係智者嘅comment，希望大家真係可以講下自己嘅睇法，同其他人交流吓意見，善用吓呢個平台。
p.s.s 呢遍係我夜晚3點幾失眠打嘅，如果有1999或者我寫到好亂嘅，請多多包涵。
利申：A0男校毒撚