#NSS個人
[Guest] 呢篇文可能好長🙏🏻內容可能都九五搭八，但係我係真心希望係呢到可以搵到我心理係咪出咗呢問題？
我覺得我個思想好有問題，呢個問題都困擾咗我半年左右，但其實只係一件好小好小嘅事，所以我一直都冇同人講過呢個問題，因為驚人話我低B仔，話我為咗呢啲咁少嘅事煩，所以我先決定係呢度匿名投稿🙏🏻
我而家升f2，小六個陣有個同班同學因為成日po ig story之後比其他同學笑，話佢成日po好煩，但個陣我覺得其實po ig story都冇乜問題，又無人叫你睇哂，但因為個陣我人緣唔好，所以因為都驚比佢哋笑同話我就一直都無乜po ig story
之後小學畢咗業升中一，好多同學都好正常咁會係ig story share 自己啲日常，但唔知係咪因為我之前一直都無po ig story 嘅習慣所以會覺得佢哋好奇怪，但為咗合群啲，我就嘗試去po，我對自己要求都好高，所以每次po 都要用最靚嘅filter，最靚嘅字體，大細擺位等等呢啲全部都要整到完美，所以每次po都搞咗我勁長時間
我亦都會限制自己每日陣係可以po 幾多個ig story，
因為可能我唔想煩到人同埋洗版，個陣我差唔多每時每刻都諗緊呢個問題，我將邊啲唔po 得，邊啲po 得，邊啲po close friend ，仲有好多好多限制自己嘅嘢寫低哂，呢個問題大概困擾咗我幾個月，不過之後因為下面呢件事我搵到解決嘅方法
後來我係中學識咗個新friend，其實我哋相處咗一段時間都已經好啱傾，不過唔知咩原因佢就好增好增某幾個香港同韓國嘅idol，有時人哋細細聲提起佢哋佢聽到都會黑哂面，亦因為咁佢對成日提起佢哋或者係佢哋嘅fans都會好增，成日同我講佢哋壞話，但我其實都係佢哋嘅fans，不過我難得先識到個friend又唔想因為呢啲事而搞到關係咁緊張，所以每次啲ig story關於佢哋嘅我都會hide咗佢story先po，亦因為呢件事所以我先發現咗原來ig有隱藏即時動態嘅功能
我知道咗呢個功能之後我真係好開心，覺得之前自己好蠢，如果早啲發現呢個功能咁我就唔使日日限制自己每日陣係可以po 幾多個ig story，之後我就即刻隱藏哂所有會睇我story嘅人，之後瘋狂po 咗勁多ig story，可能之前我比得太大壓力自己，所以而家可以釋放個陣真係好放鬆好自在，覺得終於可以做返自己
之後我都知道咗原來ig story每日嘅上限係100個，咁我本身都覺得無乜問題，反正我都唔會po 咁多，但原來唔係，可能又係因為之前我每po 一個ig story都要做到幾乎完美，所以我亦都開始覺得咁樣好攰，我都已經放棄咗去選擇，所以之後我每po 一個ig story都唔再諗，唔知用邊隻字體，咪兩個字體都po 哂，唔知用邊個filter，咁咪兩個都用哂，本身我都係每個story po 2-3次，通常都唔會到100個上限，所以個排心情都係特別放鬆
但係之後情況越嚟越嚴重，我連根本都唔需要po 嘅嘢都po 埋，而家亦可以一個story po 100-300都得，但因為ig story係有上限，有時都會唔小心過咗上限，咁我就會deleted 咗啲我最後po 嘅個啲，之後等第二日先po 返，我亦可以個日咩都唔post，陣係將個個ig story 所有嘅版本(唔知係咪叫版本)，總知就係po 哂佢，po 到我滿意為止，亦因為咁，我所有story都會延遲哂，每個story都排隊比我post，例如我本身今日去咗某間餐廳食飯想 po story，但係因為今日嘅ig story上限已經滿晒，所以我「最早」都要聽日先po 到，最遲可能要成個禮拜甚至成個月
咁當然無咁簡單，因為我拖延症發作，所以我開始懶得post，所以就一日拖一日，最後都有啲無po 到，有啲就係最後嗰陣先臨急臨忙咁post，例如我7月16號生日，通常都會早一個月、一個禮拜po ig story 同大家講，但係我拖延症所以倒數一個月同埋倒數一個禮拜個陣我都賴得post story，搞到我係生日前一日先扮到離生日仲有一個月同一個禮拜，之後我會用張紙寫底邊啲post 邊啲唔post ，點樣先可以做到100個Story之內po 晒所有要po 嘅嘢，不斷喺度攞張紙計計計，返左成日，之後先臨時臨急咁post
不過其實最令我想係呢度投稿嘅事係琴日先發生，琴晚同阿媽食完飯返屋企見到幾個明星，之後就問咗佢哋同咗佢哋影相，其實本身一個正常人可以係街撞到明星係幾咁開心同幸運嘅事，但係我同佢哋影完相之後即刻好大壓力咁，個心銀住銀住，因為我知我要po ig story，用邊張相，咩字體等等，呢啲煩到令我想死嘅嘢
琴晚返到屋企一直喺度諗，難得見到明星呢啲對我來講咁重要嘅事，好想好似平時人哋用幾個Story 就可以po 完，因為我唔想延遲咗，想對返嗰日期去post，不過我根本做唔到，因為我已經唔記得咗咩係自己最滿意嘅，以前我po一個IG Story 我會搵自己最滿意嗰個，我認為最完美嗰個，但係可能時間耐咗，我亦都習慣咗而家每個Story會po 好多次，所以我已經分唔到邊個先至係我自己最滿意同埋我覺得最完美嗰個，我所有相都未po完，今日嘅Story亦都好快已經爆咗上限
琴晚瞓覺嗰陣個心一直仲係銀住銀住，又肚痛，應該係我第一次咁樣個心銀住銀住，之後搞咗成粒鐘都未瞓到覺，好唔容易瞓咗，四點幾五點因為呢件事搞到扎醒咗，一起身就即刻諗要 po ig story，以為自己個心唔會再銀住銀住，但都仲係咁樣冇變過，今朝七點幾醒咗，已經瞓唔番，我忍唔住所以就嚟咗呢度投稿，呢篇野寫咗大概兩粒鐘有多，寫嗰陣唔知點解會喊，之後又會想嘔，好似我心理嘅問題已經搞到我身體好唔舒服
我覺得我已經唔再係為咗同大家分享同記錄自己嘅生活而去po ig story，純粹只係為post而post個陣我，而為自己呢個做法只係會持續一段短時間，但而家已經半年有多
相信大家睇到呢度會覺得我好低能，好低B，你哋會諗點解我會為咗啲咁小嘅事煩咗半年咁長嘅時間，佢話我唔識得感恩，會覺得我講得好誇張，又嘔又肚痛，但其實呢啲都係我真實嘅感受，同埋經歷緊嘅嘢，我都係因為覺得自己真係頂唔住先喺呢度投稿同大家抒發情緒，其實成件事一開始嗰陣我已經覺得全香港甚至全世界其實得我一個咁蠢會隱藏所有人限時動態，一個story可以po 500個以上
真心希望喺呢度可能會有人明白我，或者會唔會有同我差唔多經歷嘅人，或者大家覺得其實係我心理上面係咪有啲咩問題先至會搞到咁樣，有冇醫生或者使唔使見社工，定其實呢啲事好普通，好多人都經歷過
希望屌得細力啲，🙏🏻🙏🏻