#NSS愛情
[[Guest]] [長文黎，希望大家可以花少少時間睇咗佢]
小妹依家form 4，我有一個由細識到大嘅男仔朋友，細細個讀幼稚園嗰時原先係六個人一齊fd嘅，但係當中我同佢最親密… 幼稚園互相叫大家老公老婆嗰啲唔算係啲咩啦，咁我哋阿爸阿媽都識得對方，亦都知道我哋嘅所謂情侶關係😂 但係都係諗住小朋友讀幼稚園邊個冇「老公」「老婆」喎 ，所以都好放心比我哋一齊玩。
咁通常都係我哋六個小朋友一齊玩嘅，但係有時我哋兩個自己都會約出黎，而我哋阿爸阿媽都會喺身邊。我有時都會上佢屋企玩，通常都係同佢隻寵物玩下，或者一齊玩下啲玩具咁。
有一次佢阿爸阿媽都唔喺屋企，好似係臨時有啲重要嘢要做所以都會出去好耐… 而咁啱嗰次我哋一早約好咗佢去屋企玩，個時我都係大概四五歲，雖然佢大我一年，我都唔知點解佢會識得呢啲嘢😅 開頭佢叫我除衫，話係玩醫生睇病嘅遊戲，跟住佢仲摸我個胸，然之後攬住我瞓。但係細個嗰時覺得冇乜嘢… 淨係覺得喺度玩緊遊戲，但係呢件事同之後發生嘅嘢都有d關連。
幼稚園畢業之後，我哋小學雖然唔係同一間學校，但係我哋都會成日約出嚟玩，但係通常都有家長陪同之下，所以都冇發生過之前咁嘅事。去到中學我同佢同一間，開頭我已經唔係太記得果樣嘢，始終都好耐之前…
form1 form2 我地同一班，所以都越黎越fd，加上住得近所以成日都會約出嚟玩。佢真係對我好好，成日都做好多令我感動嘅事，但係一直以嚟我都係當佢係好好嘅朋友。Form2嘅時候同一個男仔一齊左一段好短嘅時間，後尾先知其實大家都冇咁鍾意對方，最後和平分手。嗰次佢啲friend偷偷地同我講話佢知道我同個男仔一齊咗之後，佢自己一個係lunch time嗰時去左介手，因為佢知道咗之後好唔開心，成個人好絕望，好彩後尾佢啲friend發現到。雖然冇親眼見到，但係我諗呢件事應該都係真。
去到form 3嘅時候我哋越嚟越close，會一齊返學放學，亦知道自己有少少鍾意咗佢，而我哋都做出一啲超越朋友嘅舉動，試過傾電話傾到凌晨四點，亦都試過拖手，感覺得出佢都對我有feel。佢成日都會有啲傲嬌咁講話「我有d掛住你」嗰啲嘢，有時都覺得佢幾可愛😛 雖然我哋唔係情侶關係，但係都幾肯定我哋大家都鍾意對方，因為佢身邊都冇一個同我一樣可以同佢咁fd咁close嘅異性朋友，但係我哋大家都好似等緊邊個開口表白先咁。
咁呢件事發生係一個禮拜之前，咁佢都好似平時咁送我返屋企，但係嗰次喺我屋企樓下嗰條後樓梯嗰度做咗一啲好過份嘅行為。咁佢首先攬住我，然後就隔住口罩錫我（先唔好理衛唔衛生呢啲問題）咁呢啲我都接受到，始終我都有啲鍾意佢，所以我都攬得佢越嚟越實。但係之後佢開始伸隻手入去我件衫入面揸我個波同埋摸我下面。咁開頭我都唔識比咩反應，因為冇諗過佢竟然會做啲咁嘅事，但係過咗一陣之後我就推開咗佢，跟住佢就講咗句「 對唔住呀，我啱啱真係控制唔到自己… 但係以前細個又唔係冇摸過冇睇過，其實我驚你唔鍾意咁所以已經忍咗好耐唔去咁做，對唔住…」exact wordings 我唔記得啦，但係差唔多意思。
之後呢段時間佢都有搵返我 ，講咗好多句對唔住，話係佢嗰日衝動咗，話佢真係好鍾意我，又話細個開始我地已經好close，佢只不過想再close啲，但係嗰日真係控制唔住。
呢段時間我都冇覆佢，見到佢都避開佢，而且更加唔知點面對佢。其實我好想原諒佢，但係我唔覺得呢啲係可以用黎解釋嘅藉口… 始於嗰啲地方我從來冇比其他人掂過，亦都覺得佢咁樣做有啲唔尊重我，即使我哋真係好close，做嘅行為都同情侶一樣…
咁講真我唔想因為呢件事而失去佢，但係我真係唔知點做，而且都覺得好驚，唔明點解佢完全冇問過我就甘，仲要明確啲嚟講我哋未係情侶關係。我唔知我應唔應該攤出嚟同佢講，定係有得我哋漸漸疏遠…
多謝你哋睇到呢度 sorry for 1999🙏🏻 但係呢件事真係困擾咗我好耐，唔知應該選擇原諒佢好定係點，因為佢平時真係對我好好，希望大家比啲建議我，唔該曬。
希望admin可以盡快post出嚟 thanks🙏🏻