#NSS個人
[guest] 點樣做好家姐嘅角色
我有一個細佬同一個家姐（細佬啱啱升中一，家姐就啱啱大學畢業）家姐唔係同我地一齊住，但佢有時都會搵我問下細佬嘅近況。我同細佬嘅關係唔係特別好都唔係特別差，但我成日嫌佢煩，有時仲會好L憎佢。據我所知，佢平時d frd都唔係咩好人（小學嗰陣佢地一齊俾學校記缺點），咁升左中學佢地都應該會無乜聯絡，中學未適應新環境又好難有知心frd，我地同父母關係都唔係好close，咁佢基本上淨係得返我一個可以傾偈。但我又成日嫌佢煩，佢講一兩句我就叫佢收聲，咁佢有野可以同邊個傾？最簡單佢叫我陪佢捉棋我諗都唔諗就拒絕左，最近家姐問起佢嘅野我又唔係好答得出，普通外人問我關於佢嘅問題我好多都係答「唔知啊，你自己問佢」講到我地好似唔識咁。我咁嘅家姐係咪好失敗😭
篇文小長，多謝你睇到呢度🙏🏻🙏🏻🙏🏻