#NSS家庭
[Guest] 希望可以同我出咗呢個post🙏🏻大家好，我係屋企入面嘅獨生女，屋企管教一直嚴到死，特別係爸爸，平時一放學就要返屋企，平時lunch都要同屋企人食，更加唔好話有得出街，係冇可能，導致本人就冇乜朋友同埋已經有社交障礙，咁今日就可以同同學一齊食，返到屋企屋企人就問：點解食咁耐？其實我只係食到四點，我就答佢出咗去旺角食，跟住我爸爸就即刻發晒癲咁話：出面幾多唔三唔四嘅人，點解唔喺附近食？我媽咪都想幫我辯駁，但係無奈我爸爸就係唔講道理，最近佢諗住送我去第二度讀書，其實我係想喺香港讀大學，但我覺得我繼續俾佢控制，所以都開始產生想去第二度嘅念頭，但只係因為想脫離佢，而且我英文都唔叻，但我真係好辛苦再係咁落去，每日都好唔開心，我明佢係想保護我，但佢又明唔明我係有幾咁難受。喺香港讀我好大機會都繼續係咁，但學業上會好啲，而去第二度就會好辛苦要追，大家覺得我應該去第二度讀書定係留喺香港？