#NSS愛情
[Guest] 我鍾意咗我嘅大學師兄，我同佢喺係camp識，佢好好人，又高又靚仔，同埋好識照顧人。我同佢有好多共同話題、興趣。有時events有啲咩我都會問佢，佢都好有耐性咁答我，有時都會一傾傾好耐。佢對我嚟講係一個好完美嘅人，完全係我理想型。
佢有一個拍咗拖好耐嘅女朋友，由中學到而家，成日都會係ig放閃，連佢哋屋企人都係知道嘅。我知我唔應該對佢有非分之想，唔應該做第三者插足人哋感情。但可能因為一路遇唔到覺得適合自己嘅人，我成日都好想搵佢。我唔想再咁，就去交友app搵其他人，試下忘記佢。但我真係忘記唔到，請問我可以點算？我知我會俾人鬧，不過真係希望你哋可以幫下我。