#NSS家庭
[Admin求post] 老豆老母咩都要我自己出錢係咪正常？
我買眼鏡,手錶,鞋,電話卡,書包…總之乜都要我自己比錢。
前提係我啲零用錢每個月都係靠做家務賺翻嚟,做錯小小分分鐘比佢地扣到渣都冇。我每個月得$50零用,今年中三,住私樓。
佢地嘅電話卡係無限數據,而佢哋話我只可以用儲值卡,廿蚊果隻。有同學叫我買數據卡,但係對我嚟講廿蚊都太貴。
我曾經懷疑係咪佢地唔小心,我先會出現係呢個世界,但係我阿媽話佢哋係有計劃地生育。
冇錢,我連拖都唔咁拍,鐘意緊一個男仔,但係如果佢肯接受我,我都冇錢同佢行街睇戲,所以唔咁拍,都唔咁表白。
的確有好多親戚會比利是我,十幾個親戚,但都係得千幾蚊(total)。之後都會比哂的利是比阿媽同老一豆，還錢比佢哋,因為我借咗佢地錢買眼鏡。
之前學校交$400報紙費,老豆話唔比,話：咁咪叫學校唔比囉。學校同老豆都為難我。最後佢都係比咗我,但係要係每個月嘅工資扣。
以上我共有兩個問題：
1.咁樣係咪正常？
2.我可唔可以要求樓下比個抱抱我？