#NSS其他
[屯門區某間中學] Pls po ig thx 🙏
本人有2個煩惱 希望大家可以比啲意見🙇🏼♀️
第一，我其實有時好驚同人相處and 溝通。有一次我兩個frd 好突然咁話佢哋喺附近可唔可以上我屋企，咁我又係啲唔係好識拒絕人嘅人所以話可以上嚟，但當我等緊佢哋上嚟嘅時候我個心跳得好快，我唔係因為開心得滯 而係因為我好驚 我自己本身係一個話題終結者+講嘢超直所以經常得罪人 我好驚佢哋一嚟我就會開始一啲尷尬嘅話題同埋我真係超驚得罪人（我驚得罪人係因為我有個best frd 曾經頂唔順我超直嘅說話然後唔理我幾個月 btw 而家好返～）。一句講晒其實我好驚同人溝通 我唔知自己係咪有社交恐懼症🥲
第二，我自己平時成日都抄功課，有一次比我阿爸阿媽發現咗 咁我老豆就話抄就唔好抄晒（因為我form 1比老師捉過就係因為我抄功課）我覺得佢好好但同時我好對唔住我自己嘅良心 其實我諗過自己認真做功課 但當我認真聽書我其實完全聽唔明 我自己有啲蠢我認 但我知道大部分原因係因為個數學老師 佢上堂教教下書會講佢個仔又唱下歌跳下舞咁跟住又講佢買樓嗰啲嘢 你可能會叫我投訴佢 但其實我知道無用 因為一投訴佢肯定會計對我 我唔知可以點做🥲