#NSS其他
[GUEST] Pose in IG thx
探討現今香港嘅教育及教育制度（喺個cover度打咗就刪得依句）
首先，我想問大家一個問題：考試嘅原意同目的係咩？
相個大家除咗認為考試係為咗考吓我哋，睇吓自己學認到幾多嘢、自己嘅水平去到邊到同埋為咗訂立我哋嘅前途以外，都有機會同我有同一個諗法──就係考背書！
現今香港嘅考試普遍都係prefer close-book，但我認為其實出到嚟社會工作嘅時候，基本上唔會出現close-book嘅情況。例如老細叫你寫封email，寫份report，我想問大家會唔會上網查吓email/report嘅格式同埋點寫？我相信大家都會答會上網查吓email/report嘅格式同埋點寫。其實答案亦呼之欲出，證明咗close-book exam係一件唔符合現今社會嘅考試/讀書方式。
當然，你可以同我拗，話你去睇醫生，醫生都唔會即刻上網查啦（因為冇得上網查/唔俾上網查）。其實我認為open-book exam同埋close-book exam應該係可以並存嘅，例如reading、作文、中文綜合同英文listening應該俾學生open-book exam。因為你喺做嘢嘅時候遇到唔認嘅字嘅時候，你係可以查字典嘅；你唔識寫email/report嘅時候你可以上網查吓點寫嘅，可以查吓個格式。咁當然，某啲（專）科應該要close-book exam，例如大學嘅護理系、醫科等等，因為係工作嘅時候係冇機會上網查到。
其實我身為一個中四嘅學生，喺考試嘅時候，有時候會覺得好辛苦，例如要背好多嘢等等。但係我認為出到嚟社會唔一定需要背，因為當你出嚟做嘢嘅時候，老細叫你寫封email，寫份report，即使你自己記得，你都會上網查。咁考試嘅意義又喺邊呢？