#NSS個人
[Guest] 小妹第一次投稿，如有錯字又199勿屌//
–
由今年年頭開始，阿媽停咗M..
平時我用開嗰啲M巾都係佢買開用開 OvO
日280mm/夜420mm or 安睡褲（量多星人
同時，佢都同我講話佢唔會再買M巾
叫我同家姐共用（乜料
–
咁我本身同家姐關係都唔係特別好？？
佢由細到大就鍾意蝦我 TAT
我都唔覺佢對我特別好..
但係又唔係衰到連M巾都唔肯借嘅(？
–
問題嚟啦..
佢啲size 同我唔同！！！
佢啲量係真係少到…
每個月我都懷疑佢到底係嚟M定屎眼出血。
到底點解可以用210mm成朝唔換 @.@
仲可以靠280mm撐成晚.
作為每日都着住白色校裙嘅我
真係差唔多日日漏…（尷到
有時候仲要去學生會借裙借巾..
–
咁我當然出過聲：（
但係每次我一同家姐講
佢又串柒柒咁
「你好意思話我咩？有錢自己買吖笨」
咁我依家俾人串喎（笑
以為搵阿爸佢會護住我lol
點知（哈哈。
「21cm好L長啦喎，成塊板咁黐住你下面有咩用？」
「你點使咁太塊吖，你屎忽好大咩？」
（雖然我唔知關咩事
–
但其實又真係唔怪得佢哋 QAQ
咁其實我都中二㗎啦.
但係本身家境比較貧困（淚
仲係冇零用錢（哭能咗
車錢飯錢嗰啲全部都係啱啱好一程車一餐飯.
一啲都冇多…
我本身都唔係好介意 @.@
亦覺得一個初中生冇乜必要自己袋錢..？
咁其實講咁多我想表達嘅就係
我冇錢自己買M巾（完）
–
即係係咁嘅
我唔係話乜嘢嫌三嫌四..
都唔係上嚟抱怨要為咗塊M巾離家出走lmao
只不過正常logic ；）
都係寧願買塊啱用嘅M巾
好過整污糟晒啲床單/衫.
更加重要嘅係：
我可以點arrr（淚
–
Sorry for 1999