#NSS學校
[民X書院 ] 回覆#NSS211218C
本人為民X書院中四學生，關於我校既負面評價我想講一兩句。
第一，你提到學校埸地充足，有操場同室內運動埸，唔明白點解唔用得。
原因就係學校進行緊重建，唔知閣下放學會唔會經過前門，見唔見到有個位會比鐵板封住，嗰個位佔咗成個操場既四分之一，上運動堂又阻住成個工程，點比你去打波？
同埋學校個操場係有停車場既用途，你工程佔咗位置，自然車都要拍密啲。整到啲車棧要賠錢。
當然呢啲原因並唔係主因，若閣下有睇通告，係”Message From The Principle(1) 30th August 2021”
有明確指出
“Lessons will be conducted on the outdoor venue and in the Student Activity Centre(H101/E201) in accordance with the Guidelines from Centre for Heath Protection and Education Bureau”
中譯: 根據衛生防護中心和教育局的指引，課堂會在室外埸地和學生活動中心(H101/E201)進行
第二，你有指出當年學校重建籌款，我想講，學校係冇逼你去捐款，當年我係一蚊都冇捐，成疊獎券攞返學校，完封不動咁比老師，老師都冇鬧我。
我意思係，呢個係”籌款”，則籌集款項，你有權唔比。再者你係籌款，唔係入股。
而且唔比你用設施係教育局既指引，並非學校方面特登唔比你用。
第三，你寫到學校既地點安排，其實學校已經係八月提出室外上體育堂，而近學校得幾個埸地揀，又要跟指引又要快上堂真係好難。
你又提到你要行去體育館，800米路程點解要用20到30分鐘，最多用十幾分鐘，閣下不妨諗下係咪自己問題亦或係自己同學既問題導致到要用咁多時間？
而又提到唔識返學校，咁請問閣下係點返學？加上老師係帶你過去體育館，唔係叫你自己攞地圖行過去，有咩理由唔識行，請閣下明白你而家係中二，唔係小二，唔使凡事都要揾人幫，要嘗試自己解決，而且老師落堂之後係會跟住你們返學校，並不存在”未必識路”既説法。
同埋，你所講造成混亂，根本荒謬，個流程就係落操場排隊，去室外場地上體育堂，完。
第四，你又指明老師”冇乜示範”，只識睇手機。咁就係老師個人問題，并非學校政策問題，請閣下分清楚。
最後，閣下講述自己反映被別人以”唔好擾亂課堂秩序如果唔係會記缺點”禁言，閣下有冇諗過係自己係不適當既時候表達，建議閣下若有不滿其實可以向校方投訴，老師都唔係定安排嗰個。
希望閣下係po文前搜集資料先，再去批評，你所謂”希望校方正視問題”，我卻睇唔到你指出任何解決方法，你篇文就係假借”指出意見希望民生更好”，實質上就係為鬧而鬧。我唔係話間學校好好，但係閣下所講的并非事實，我只係指出你篇文錯誤的論點。
閣下若認為學校措施實在難以忍受，我建議閣下就讀其他學校，以獲取更好學習環境。
#sor41999
#個人感受
#唔鐘意既要屌得大力d