#NSS個人
[GUEST] 各位，我20號生日，希望大家可以同我講返聲生日快樂🎊
講返背景先，我男16歲(過埋20號後
我一直都好想有人陪伴我、關心我，而唔係hi-bye-frd。由細到大，阿爸阿媽都去返工，阿媽因為係喺屋企太無聊，所以就出去做嘢。所以我小學開始，都係自己一個喺屋企，一直上網。去到依家，其實都冇咩變過，成日喺屋企。但正正因為咁，我成日都俾阿媽鬧，成日喺度話我可唔可以出去玩，唔好喺度打機？我心諗：得自己一個出去做咩？都冇frd陪我|-|。雖然我喺學校好似有好多frd咁，但我都講過係「hi-bye-frd」，同埋淨係喺「學校」見，私底下睬你都傻。所以我係表面外向，現實係內向。
而喺武肺開始後，我機緣巧合下加入咗一啲打機grp，所以我日日開手機嘅時候，都係睇佢哋啲wts，亦都係我第一次同人地傾計傾得好開心。再後來，我地開始約出嚟，大家見下面食下飯咁，原來都真係幾開心。
但係後尾唔知點解，我好似厭倦咗呢種生活，做咩都好似冇咩心機咁，樣樣嘢都係得過且過就算，唔想曬咁多心機落去。(上網睇好似係叫空心病？唔確定)而我自己都知有呢啲問題，但係又唔想改變？我都唔知我自己究竟想點。當睇住人人都有目標嘅時候，再睇返自己，我..究竟想點？
所以..係囉，都係咁。我唔擅長於表達自己，應該係話唔敢講出來，驚受到別人嘅指責，可能我怕醜啦唉。
最後多謝你地睇到呢度，sor for 1999
我都淨係想share岀嚟，唔知點編排啲段落
希望你地真係可以同我講返聲生日快樂啦🎊