#NSS個人
[Guest] 唔知大家會唔會好容易覺得尷尬，即使同自己講冇人會留意你都好，都係會覺得勁尷，尷好耐嗰種。
小妹係一個極容易尷尬嘅人，好少事都會，一尷就尷好耐，會覺得緊張，心跳加速（順便講埋，我平時都唔知點解我會無端端緊張，心跳加速，好似唞唔到氣咁），我都會同自己講冇人會留意自己，唔使尷到咁。
就例如平時上堂答問題。今日（投稿當日）上中史堂，有同學匯報，我要點評，點評當中，我不停圍繞一個論點，講完之後我覺得自己講緊廢話，我問我啲同學我係咪講緊廢話，佢哋都唔唔係，肯開mic講已經好好，但我仍然覺得好尷。
想問下各位會唔會特別容易覺得尷尬，會特別緊張，心跳加速，同埋平時會唔會無端端緊張，好驚，心跳加速，好似唞唔到氣咁？🙇🏻♀️有冇解決方法🥲
Sorry for 1999🙏🏻