小妹今年中五，我一直都知自己身邊嘅朋友係對我印象唔好
小學嗰陣，我都成日被欺凌，老師都特別針對我。
升到中一，我都被人欺凌，連前度都夾份欺凌我。
但好采欺凌我嗰班人都肯同我講我衰咩，話我煩、做作、姣、小學雞之類嘅嘢。
之後我就盡能力改哂啲壞習慣，我都幾多謝呢班同學
好采之後都唔同班，到而家佢哋連欺凌過我嘅事都完全忘記咗。
升到中二識咗另一班新朋友，但半年之後佢哋就欺凌我（我聽我當年同我fd嘅人((下會稱佢A))同我講返）咁跟住都算啦，我自己疏遠佢哋。
佢哋憎我係因為我太煩、話我自我中心、話我on9、仲有話我姣。
我之後都好努力去改變自己，收斂咗好多。
不過佢哋之後搵個男仔用感情欺騙我，我嗰陣喊足一晚，真心唔明點解我疏遠咗佢哋，佢哋仲要咁挽我？仲要搵我當年愛嘅人嚟咁對我。
呢個都未係重點，重點係嗰年第二學期考試，佢哋學花咗我張枱，仲寫哂粗口問候我全家。
咁我都無理佢哋，淨係默默地刷哂啲字就算。
過後嘅暑假嘅身體檢查之後，我去睇埋心理醫生，發現我有抑鬱症。
不過我實在太非洲，中三到而家都同佢哋同班。之後都做得返fd。
可惜事情永遠都無咁美好，永無happy end
佢哋到而家都好憎我，因為我多嘢講、仲係好毒同on9。
佢哋當我fd純粹只係當我係工具人，我梗係繼續扮唔知。
反正我遲啲都退學唔讀書，做多半年朋友，繼續去改變自己嘅壞習慣都好。
但我到最近真係忍唔到，好想自殺。
其實係唔係我做錯好多嘢佢哋先咁憎我？我點改佢哋都咁憎我，我可以點做？