#NSS個人
[guest] 多謝admin出po！
小妹想喺度問一個問題嘅
嚟M嘅時候好多人都會頭暈頭痛作嘔
但係頭暈到企唔穩、頭暈眼花到只可以瞓喺度，完全冇力乜都做唔到正唔正常？
唔係攰到郁唔到嗰隻，而係幾乎喪失知覺同埋身體控制權咁樣（形容得可能有啲差請原諒）
小妹唔止一次頭暈跌低，隻腳突然完全冇力，企唔到起身，亦都無力爬出房、或者係叫人幫手
好彩最後都過咗一陣就回復返
而且M量都頗多，面青口唇白到殭屍咁嘅樣
想問有冇人同我一樣情況，又或者有冇需要睇醫生改善情況？
唔該晒各位
另外想講下，M呢真係唔係淨係影響子宮，係成個身體
所有病痛一次過體驗晒
好羨慕啲M嘅時候冇乜感覺嘅人
所以唔想再聽到有人話嚟M渣嘛有冇咁誇張
係啊就係咁誇張
頭痛頭暈鼻水作嘔肚瀉肚痛腳軟腰痛周身攰
雖然人人程度不一，但係嚴重嘅係真係要入醫院
想體驗下M痛嘅男士們可以試下大力捏住自己兩粒睪丸向外扯；）不過應該唔會有勇者走去試