#NSS文化
[GUEST] 而加d人真係好L煩，成日都話咩中國邊度唔好邊度唔好。係，的確，中國有好多唔好嘅的地方。但我真係麻煩大家唔好成日鄙視講普通話or笑人地係中國人。請問如果有人笑你係香港人，你會點諗啊。而且你地咪成日歧視d 普通話歌，人地係用自己嘅努力先寫出呢d歌啊，比翻d尊重好無？就算想針對中國都好，我覺得呢d都好無必要性，普通話只不過係一個語言咋。我唔覺得真係有必要去針對，且你地班idol 咪又係會唱普通話歌。簡體字都同理，無端端笑人用簡體字。雖然係因為繁體字先會有簡體字，但我地而加用緊d字咪又係古代傳落嚟，不斷改變先有我地繁體字咋！人地鍾意用咩字關你鬼事啊，咩都要話，就因為簡體字所以你要笑人？bully人？真係搞笑！而且香港環境雖然好，但中國好多地方嘅經濟發展個d，唔可以話超越，但都大概同香港無太大距离。千其唔好以為自己係香港出世就高貴過人，人地默默追趕緊我地啊。
最後，想重新一件事，麻煩唔好針對講普通話同寫簡體字d人，呢d係人地個文化啊。你咁樣針對人，同你口中嘅中國政府又有咩分別啊！？我真係忍左好耐，我唔明白點解可以拎呢d做藉口去針對人地，針對人之前望下自己先啦！我有個老師有一句我好同意嘅說話，當你用手指住人個陣，你有4隻手指指住自己。
呢一篇野純粹係個人意見，希望大家可以尊重一下彼此！呢一篇野亦都係到點醒某一d人，唔好以為自己好高貴，麻煩將心比己
我打呢一篇，預左比人話，無論點都好，我相信大家心入面都會理解同明白我意思
多謝你睇呢到，文筆差請見諒
SORRY FOR 1999