#NSS個人
[Guest] 長文慎入
我唔知係唔係鍾意左個friend…
是咁的 我同佢係小學都只係高年班同班過一年
叫做認得對方 同見到會打招呼咁嘅程度啦
但係其實我由小一參加比賽撞到
一齊傾過計 玩過之後
就一直都對佢有好深印象
我自己都解釋唔到點解
總之就係對佢有一種莫名其妙嘅感覺
想同佢做friend 傾多啲計咁
（雖然呢件事應該淨係得我會記得）
喺學校如果聽到有關佢嘅嘢
都會問多幾句
去到中一 我第二次同佢同班
由於我地係同一間小學升上嚟
咁就決定拉多幾個人一齊圍堆食lunch
之後就一直都keep住好熟
佢join乜我跟埋 我join乜佢都好多時會跟埋
就連上lab都要等埋一齊
個陣時我好開心
終於有機會同佢熟啲
由於我同佢成績都算top
所以由嗰陣時開始我每次考試嘅目標
就係點都要高分過佢
因為佢係一個自專心好勁嘅人
每次件到佢收到份卷好心急咁搵我鬥分
結過我又高分過佢嘅個種反差表情
真係好好笑
我當時一路都覺得佢係一個好好嘅friend
同埋一個可以一齊讀好啲書嘅勁爭對手
但係我開始發覺自己對佢嘅態度有啲唔正常
佢一whatsapp我問功課
我會覺得我被重視 被需要 覺得好開心
我同佢分唔到同一組做project
會覺得個project 做嚟都冇乜意義
去到form3 我知道同佢唔同班 我喊咗成晚
但係第二日返去我又夾硬笑住同佢講
：「唔緊要啦 反正之後都係一齊食lunch㗎啦」
其實我心好唔舒服
我以為好正常 因為我份人比較內向
而且不嬲都好重視真心嘅朋友
好唔習慣人際關係改變
但係我而家諗番 我發現我當時係好唔正常
對其他人都唔會有咁誇張嘅感覺
為獨是係對佢會咁
由嗰刻開始我發現呢段友誼出現咗問題
我決定我唔可以再咁接近佢
去到form 3 我得登主動識新嘅同學
好刻意去同佢保持適當距離
而 lunch 就照舊都係同佢哋一班舊friend 食
但係當我同佢距離續漸疏遠嘅時後
我見到佢都識咗好多新嘅friend
但係我竟然係覺得有啲嬲
覺得我係佢身邊嘅重要程度跌咗
而我亦都覺得讀書好似冇晒動力
成績跌咗好多
之後我都係頂唔順嗰種感覺
又覺得只有同佢相處得最舒服 最啱傾
結果又主動同佢熟番
之後疫情開始咗
我同佢因為悶得濟 不定期都會call對方
有時一次就三四個鐘
但係我完全唔覺得攰或者冇嘢好講
每次見到佢call嚟都會好開心
但係佢一講到感情問題(佢之前有鍾意嘅女仔)
我就hea答佢 唔想討論
近排有次佢whatsapp 我
我掛住打機 不讀不回
一個鐘之後我見到佢係group到問其它人
我即刻覺得好內疚 私底下覆番佢message
嗰種內疚係覺得自己做錯咗嘢咁
仲要有少少係見到佢決定問其他人
唔再需要我答佢嘅個種心急 想補鑊嘅嗰種感覺
我係A1 我之前都有對其他女仔拍過拖
但係時間好短就分咗手
今次我真係好驚
我唔知我係唔係真係中意咗佢
佢係我最close 嘅 friend
如果我真係鍾意咗佢 我覺得自己係一個人渣
如果我同佢講呢件事 坦白呢段友誼有問題
我驚到時真係會friend都冇得做
另外我屋企係極度反同
我而家真係好亂 唔知點算好
sor for 1999