#NSS個人
[mcw] 本人中四 我係中三嘅時候識到一位留級生(同班)都係我好朋友 佢同我有同一樣的興趣(畫畫)但係識得佢耐咗發現佢嘅畫畫技巧遠超我而且我自己悟性低啲.我自學咗三年終於認為自己都有啲成績嘅時候 佢啲畫係靚到已經覺得自己唔係同一個次元(ps佢只學咗一年)呢個事實我接受唔到 即使我知道佢係天才都好 而家我隻手一揸起支畫筆已經開始手震同埋更加自卑曾經嘅我都有視佢為目標 但係我逐漸發現我已經見唔到佢背影 同時我都開始入咗瓶頸期進步唔到 喺呢段時期 我有嘗試電繪 但係即使我睇咗幾多條片都好我都唔明 之後就開始心煩 以前我每日畫一幅 而家一兩個月都嘔唔到一幅出嚟 曾幾何時我哋兩個都諗住做畫師 但係佢而家唔想做 我而家仍然都想做 就覺得好失落 都開始妒忌佢嘅夢想唔係畫師但係有咁高超嘅畫技 都開始感受唔到畫畫嘅樂趣 我有嘗試問佢想點樣先可以變到咁好 但係佢提供嘅方法 我都冇效 但係佢只係話我係懶 仲係唔明我心入面有幾咁煎熬 突破唔到 我都好討厭自己咁廢 今年我係修中史加生物
基本上上完堂已經攰到痴線 隻手都痛 呢樣嘢佢又唔明 當然佢仍然都係我人生導師同埋好重要嘅人 但係我真係唔知可以點樣解決