#NSS愛情
[GUEST] N年前我讀緊F4，空降左一個老師做我班主任，佢啱啱先畢業冇耐，同我哋年紀唔會差太遠，成班同學同佢都好玩得埋。當時好多好多人都鍾意佢，我都唔例外，但我將呢份感覺收喺心底，一直都冇講過我鍾意佢（好多同學直接表白，個個都俾佢拒絕咗）。到讀大學嗰時斷斷續續都有聯絡，通常都係成班同學同佢一齊食飯，但因為我同佢住得好近，所以通常都會一齊返去。或者因為人大咗，又或者係嗰時以為佢有另一半，所以就算中學畢咗業，我都唔覺得有希望。直至到我後來返去舊校實習，算係變咗同事關係，開始有啲曖昧，我亦都知道佢同另一半分咗手。可能因為隔咗好耐啦，好似大家都已經慢慢放低包袱，於是開始單獨出下街，好自然就⋯⋯⋯⋯⋯。最後我地一齊咗，係佢表白嘅，而家有計劃諗住過多兩年去英國結婚。有啲嘢，係你就係你嘅，兜兜轉轉，最後都會喺埋一齊，慢慢等吓，唔好放棄❤️（如果你知我係邊個，唔好爆，感謝！）