#NSS學校
[GUEST ] (小妹第一次投稿，中文麻麻哋請見諒🙏🏻)
究竟要唔要轉校？
大家好小妹f2 band 1中學，成績一直都OK，班裏面都有top5，但係因為學校為咗追成績，成間學校都好谷，係咁chur d學生，身邊嗰個都被學校搞到好大壓力甚至有情緒病，啲老師又冇乜愛心，淨係理啲成績，加上前排比老師屈做錯事搞到手冊記咗個污點，點樣解釋都唔會取消，每次諗返起都好唔開心，每次都要喊一餐（小妹對自己要求好高）同 埋本身小妹有宗教信仰，對我來講間學校就好似地獄咁，仲有小妹想將來讀一啲科目，間學校唔知點解冇提供到，所以因為呢啲理由都想轉去一間有信仰+冇咁谷嘅學校。
但係小妹其實係間學校裏面成績冇問題，啲老師都成日攞小妹做佳作，或者讚小妹。人際關係都冇問題，仲有好多friend，啲同學又好學又玩得，學校讀書風氣好好，之前老師都同我傾過計都覺得我適合呢間學校，班friend都勸我唔好走，加好驚去咗新學校之後融入唔到，但係小妺真係好唔鍾意間學校，為咗將來真係要走，但係又驚轉左環境之後情況更加差⋯⋯
學期好快完，但係仲未決定到，小妺嘅媽媽話今年唔轉校就要繼續讀，而家成個人好矛盾，到底要點算好？
唔該晒admin🙏🏻🙏🏻