#NSS個人
[覺得成世人時間好長，想快啲完咗佢] 由上年開始多咗好壓力，成日為咗啲瑣碎事就煩一餐，成日好驚人哋點諗自己，連想 post 個 ig story 都可以諗到好多負面嘢， 每日最放鬆嘅時間就係六點半補完習上咗巴士，手機唔會再收到message 個陣靜靜哋自己聽歌。
有陣時會成日喺度諗點解成世人時間咁長，日日咁辛苦過完一日瞓完一覺第二日就好快嚟到，每日嘅日子都好漫長，梳洗、食早餐、返學放學、補習、返屋企食飯、做功課、梳洗、小小嘅休息時間，好想呢個循環快啲完咗佢，每日無乜會令我開心嘅事，朋友唔多，真心嘅可能都係得一兩個，屋企人都對我好好，不過佢哋更緊張係我嘅成績，我哋成日為咗我學業嘅嘢就會嘈一餐，每次都好唔開心，但係又搵唔到人傾訴。
有陣時會好羨慕啲公公婆婆同啲小寵物，每日可以係屋企休息，想做乜就做乜，雖然生活係悶咗啲，但係唔會有好大壓力，而家每日個腦都好亂，唔想再諗嘢，陣係好想可以休息一段長時間。