#NSS其他
[GUEST] 如果可以的話希望admin可以po IG🙏
多謝麻煩曬你哋🙏
（可能各位覺得我玻璃心 所以要鬧嘅話請細力啲🙏🙏）
小妹今年F1
有件事就算一直都有困擾我（？
就係我係中學入面識咗個朋友
佢對我都幾好，我哋關係俾人感覺好似識咗好耐咁
因為小學冇乜frd所以我係個種每段友誼都好珍惜
然後佢就好靚女，所以有好多朋友
唔知自從幾時開始
我就有少少開始懷疑佢係當我係一件玩具定係點
點解咁講 係因為之前佢就同佢小學個best frd絕咗交
跟住嗰時我係同佢好開心嘅
幾乎日日都係度煲電話粥
最近佢就同佢個frd好返啦
咁我都替佢覺得開心嘅
但係感覺佢就開始對我就冷漠咗
因為之前我搵佢佢都會同我傾下啊咁
跟住自從佢同佢個frd好返之後就基本都已讀不回我
次次信息都係我墊底
所以我就整咗灰剔 因為自己感覺舒服啲😂
然後有一次唔知佢係真係想開心share定係特登俾我睇
佢就cap咗佢同佢個frd啲聊天記錄，然後就出post
仲寫話“同姐妹傾偈永遠都係最開心嘅，傾唔完計呀，love you💗”
咁可能係我玻璃心 或者係我呷醋
我心入面就好似有少少唔舒服嘅感覺
因為個日我係send信息俾佢但係佢都係已讀不回
可能係我小題大做，因為呢件事我成日都分心
多謝大家睇到呢度
希望大家要鬧嘅話輕力啲🙏🙏🙏