[Guest] 少長文 純分享
好多英文唔好介意
/
唔知係咪個個留學生第一年做presentation 係咪都會好驚
好驚人地聽唔明自己講咩
我過咗去加拿大都有4-5個月
因為唔係local school所以都冇好多華人
我本身有好幾科都會成日出d gp 嘅presentation project
都做得幾唔錯嘅
所以開學到而家為止一直都覺得自己應付到
因為我係第一年嘅international student 所以要上返d佢地本地嘅英文補課(ELL)
咁呢個補課班全部都係亞洲人
咁呢排就有份gp presentation 要我地做
類似要幫成班一齊review 返d grammar 重點咁
咁我個組就打算整個kahoot 出嚟再講多少少野就完咗個present
咁我都冇prefer要講好多野所以就冇乜準備
到我個組present個時個miss 叫我地要講多d解釋
講到唔明嘅人明為止
咁我就少驚啦因為冇乜準備
到到我要講解釋嘅時候我突然之間個腦空咗
我望住份notes企咗係到咩都講唔到
我都心諗今鋪仲唔仆街
我企咗係到差唔多都有成分幾鐘
好彩我個partner 有幫我講埋咁就完咗個present
係佢講緊個陣我成個人震晒咁
可能因為覺得好驚比人笑/自己咩都冇講靠隊友好有負罪感
咁我就越嚟越緊張 呼吸都越嚟越快
再加上帶住個口罩搞到我吸得太多氧氣
最後暈暈地唔知點解仲有少少唞唔到氣嘅感覺
個喉嚨嘅痛有似有野卡咗係入面咁
個miss以為我緊張得滯唔舒服咁就叫我出去坐陣
咁我partner 陪咗我出去啦
唔知係咪我真係睇落咁唔舒服咁
四周圍d老師都行埋嚟問有冇事
唔知點解就覺得好委屈咁
好莫名其妙咁就喊咗出嚟
有個老師仲係隔離係咁同我講
「其實你肯自己一個過嚟都好勇敢架啦」
佢一講完我喊得仲勁
好彩最後我都冷靜到
/
其實明明係一個咁簡單嘅presentation 點解我都做唔好
其他咁難咁多野講嘅我都做到
偏偏係最簡單個d先嚟失手
當你最有自信心個時，突然失咗手
好似又返返原點咁
我都知係我問題係我冇好好準備
明明有notes可以照讀但我又講唔到
聽日返到去個個都會問你冇事啊嘛你琴日搞咩啊
我真係好驚好辛苦
Sor for 1999