#NSS社會
[Guest] [post ig thanks🙇♀️🙇♀️🙇♀️]
我自己本身好鍾意中國古風作品，尤其係BL，但係因為政治立場我幾年前就開始少睇，呢幾個月本身想懷念下，點知前幾日大陸政府出左個禁BL改編作品嘅聲明，加埋之前啲咩禁娘化，連遊戲男角色都唔可以設計得白啲細粒啲，女角色唔可以設計得太性感（所以我聽講原神公司搬左去新加波)
其實我真係越諗越無奈，自從19年起我對大陸政府徹底失望，但係我冇放棄中國文化，我一直覺得其實如果唔係個onl9政府，中國根本係可以成為萬千優秀作品嘅溫床，但係依家？遊戲角色唔可以露太多肉，Ecup變Bcup，連紋身都唔得，腹肌都唔show得，文學作品唔可以有男男嘅感情，更加唔可以改編成為影視作品
其實我唔明，就算我退一萬步黎講，你真係好撚憎同性戀，你知唔知呢啲作品其實係幫你賺緊好多錢？中國古風BL開始出官方英文翻譯，全世界超級多粉絲，原神係twitter討論度最高嘅一個遊戲，你唔單止扼殺左搵錢嘅機會，仲扼殺埋萬千人民嘅想像力同心靈安慰，意義何在？
呢個已經唔淨係政治嘅問題，點解我鐘意嘅作品就要咁樣冇左？點解我鐘意嘅角色類型就要因為呢啲愚蠢嘅價值觀而冇左？我前幾日仲係度開心緊某作品第二季就黎出，依家就已經心碎
希望大陸年輕人可以儘快清醒，呢啲事只會越黎越多，可能過幾個月，寫BL直接變犯罪