#NSS愛情
[唔知用乜嘢方法搵返佢講嘢好..] 同初戀分左手差唔多三年幾，可以話喺大眾嘅眼中都算係puppy love但對我嚟講唔係，分手嘅時候佢有一直挽回，但係自己一直冇理到，分咗手差唔多一年嘅時候 自己又有我follow返佢IG 佢亦都有follow返我 有傾番計都算係朋友咁 到咗分手第二年自己發現開始然後放唔低佢 自己嗰陣時想追番佢 就諗住同佢曖昧 佢都嗰陣時算係好關心我 嗰陣時嘅暑假就借啲意扮飲醉酒睇吓佢會有反應 冇諗過佢會講一啲好男朋友會講嘅嘢 由嗰陣時就開始諗住追番佢 但到咗下一日佢個人就好似變咗咁 之後就冷淡左好多 之後都冇乜講嘢 直接就好似冇咗聯絡咁 到左分手第三年 自己喺年尾係發現自己原來放唔低 就表左白 但之後俾佢拒絕咗 到左12月尾佢有約我一齊倒數但係我冇應承 因為喺11月至12月佢真係好冷淡..上線又不讀不回，覺得自己好浪費心機就冇應承，到左1月就冇再同佢講任何野 決心要去放低佢 基本上所有聯絡方式都冇再聯絡 亦都冇再傾偈 到左4月可以話因為新鮮感嘅原因 同一個男仔拍咗10幾日就散左 散左之後就唔知點解成個腦都係初戀 就開始又搵返佢 嗰日搵返佢冇諗過佢都唔算冷淡 可以話係幾好嘅朋友咁講嘢 嗰日傾完之後發覺原來自己一直忘記唔到佢，之後就開始係咁諗話題搵返佢 但佢唔知點解個人好似變咗 變得同佢講嘢好似陌生人 佢又冷淡咗好多又上線好耐都唔復 由最後一次傾偈到而家都差唔多20幾日冇講過野..想問大家我應該直接搵個男仔講清楚定係自己好似正常朋友咁樣繼續搵話題同佢講嘢好..希望大家可以俾啲意見我🙏🏻