#NSS家庭
[Guest] 我好努力 但係得唔到家人嘅認同
第一次投稿 有錯嘅話請見諒
小妹今年f3 考緊試
前幾年都hea讀 因為今年要選科所以都開始緊張 學習方面就認真返
生活中 我係一個好無自信心嘅女仔 覺得自己咩都做唔好 好彩我比較樂觀 所以都冇乜嘢
雖然今年認真返成績都有所進步 但係唔知點解阿爸阿媽近排成日淨係覺得我唔努力讀書 覺得我好廢 我開始反思自己係咪真係咁冇用 變得越嚟越自卑
起初 情況都冇咁嚴重 我阿爸阿媽都係做生意嘅 因為疫情 所以一定有所影響 生意唔好 加上我成績成日都令佢哋擔憂 所以就同我發脾氣 而我做錯咗嘢 我都理解 所以我都冇乜點理
但係過咗一排 我發現情況越嚟越嚴重 因為佢哋開始鬧我好廢 語氣都好重 聽完令我覺得好難受
我都有同佢哋反映過個問題 但係佢哋仲係覺得係我嘅問題 而且我哋經常因為小事而嗌交
其實我都唔想令佢哋失望 我都知道佢哋好愛我 我努力讀書 想證明返自己 花兩三倍嘅時間去讀書 但係佢哋覺得我咁努力係為佢哋而讀
我都有自己嘅夢想 所以為咗夢想去努力 我同佢哋講返 佢哋淨係覺得我好可笑
有陣時溫書諗起就會覺得好難受 甚至影響個進度溫唔到書 情緒都好低落
想問返各位有冇可以同父母溝通嘅方法 令佢哋理解到我
多謝你睇到呢度 祝你日日開心順利
sorry for 1999