小妹係香港土生土長，搬左黎英國幾年度，覺得有一樣嘢想分享一下 ：今日就講種族歧視 ，喺香港住左咁耐成日聽老一輩嘅叫南亞裔人做「阿叉」，白人叫「鬼佬」等等。由細到大都聽慣左覺得冇乜嘢，但係到我搬左黎英國先發現原來呢一個問題有幾嚴重，英國都算係一個非常multicultural嘅地方，當然因為佢哋colonize左咁多嘅國家，然後20世紀又有難民潮。你睇到呢度肯定心諗係人都知英國有種族歧視，點解講到好似調返轉。
係，英國係有種族歧視（而且都頗嚴重），啲人仲會當口當面同你講，俾說話你聽。成日會有啲同學喺度make racist jokes，覺得自己好搞笑咁。當我係一個minority嘅時候都預咗，搬過嚟之前都聽人講，只不過我冇想像到會係咁樣姐。呢個純粹係我自己個人嘅經歷，未必全部人都一樣。但係香港嘅種族歧視係internalized，大家平時都未必見到太多唔同種族嘅人，由細到大都係同一個環境嘅時候就好似習慣咗。仲有香港嘅人對種族歧視冇乜awareness，好似當左成件事直情冇存在咁，然後當見到一個唔同膚色或者外觀同我哋唔一樣嘅人，都會望多幾眼，因為我哋習慣咗一個環境得同我哋差唔多嘅人。望多幾眼，我嘅意思唔係你會反感，純粹係我哋由細到大都係習慣咗咁做。（有一個輸入左係我哋個腦嘅概念）
可能你唔同意或者你有其他嘅諗法，香港始終係一個國際大都會，雖然已經冇可能好似以前咁繁華，但係大家唔可以否認其實我哋唔係真係咁接受到多元化，我認同係我哋嘅傳統嘅upbringing有所影響。可能你會話你都唔係咁樣嘅，不過呢個係我以前嘅作風，所以我會去學習點改變自己嘅諗法或者可以話係啲大人細細個就輸入俾我嘅諗法。仲有一樣野我想講嘅就係，外國而家有好多performative activists，顧名思義即係佢地淨係得個噏字，識得po ig但係其實冇打算去作出改變，識得好多人都係咁樣，淨係識得repost喺自己個story扮關心，但係其實乜嘢都唔知道。香港人都算好有時事觸角，希望大家都會關心多啲關於呢一個話題啦:)
香港雖然大家都未必會經常討論呢一種話題，但係我覺得至少會嘅人都係有常識嘅，會同意我嘅講法。呢一篇文我係純粹分享，大家唔好「已讀」我，都想聽吓大家有乜嘢諗法😅 同埋sor for 1999 and 錯字，耐冇打中文🥲 written on 6th january 2021.