#NSS愛情
[GUEST] 我相信唔係淨係得我一個有呢種煩惱
從前，有個傻傻哋嘅男仔
係中學一年班嘅時候識咗個女生A，
個男仔過咗冇耐就鍾意咗佢，
但係因為知道自己同佢永遠冇可能，
所以一早放棄咗。
當佢同另外一個女仔B拍拖嘅時候，
發現原來佢個心一直都係女仔A度，
之後同咗女仔B分手，
就開始同女仔A越嚟越熟。
平時會傾一啲日常，
A有心事都會同男仔講，
男仔都會同番佢講，
佢教會咗個男仔好多人生道理，
成日都會安慰男仔，
去到某一日傾緊計嘅時候，
男仔發覺嗰個女仔A對佢嘅影響好大。
呢個男仔真係好愛佢，
真係可以為咗佢去做任何嘢，
佢有時仲會喺街度扮偶遇佢，
個男仔有一日發夢，
見到佢其中一個好好嘅朋友同咗A一齊，
佢醒嘅時候喊咗出嚟。
個男仔係有多麼嘅希望個女仔可以同佢結婚，
有多麼嘅希望個女仔有咩事會第一時間搵佢，
有多麼嘅希望個女仔 有一日無啦啦向佢表白 ，
有多麼嘅希望自己
係A嘅心目中佔據一部分 只係屬於佢嘅。
但係當個男仔知道個女仔有鍾意嘅人，
醒番起自己同佢係一定冇機會，
所以就決定再次放棄，
開始真心為佢嘅幸福著想，
好想佢未來真係搵到一個對佢好好嘅男仔。
而個女仔即將要離開香港喇，
個男仔真係好唔捨得佢，
真係心碎咁濟。
你話個男仔應該點做好？