#NSS學校
[GUEST] Hiii 咁就補充番 #nss220402E 樓主所講嘅補習老師 事關我都係佢學生 亦都幾肯定樓主個位同我嗰位啊sir一樣 想勸大家冇乜嘢就唔好去嗰間補～
咁就係咁嘅 呢位阿Sir除咗樓主所講嘅問題之外 都仲有一個好大嘅問題就係拖堂 一個星期會有兩堂 一個月就有8至10堂 轉左上google meet之後都冇試過準時放呢樣嘢 嗰日好彩嘅話就係遲一個鐘 唔好彩嘅話最多試過兩個鐘 我試過其中一堂本身個時間係16:30-18:00 六點之後一直拖一直拖 最尾拖到八點 但係中間真正講嘢嘅應該都係得半個鐘 因為其餘嗰個半鐘佢要用嚟教第二班學生 我喺個兩個鐘入邊出咗去食飯 返入嚟之後完全冇進展 條題目根本冇郁過 佢次次都係嗰句：你哋呀 望吓你哋而家咩樣 又遲落堂啦 次次都遲咁多 影響晒同學仔進度我仲有幾班要教 快少少啦中_同學⋯ 但係其實 我哋課堂唔郁嘅原因係因為我哋要打個答案係chat box 我哋冇人識時候問佢 多數得到嘅回覆就係：上堂咪教咗囉呢題好簡單咋嘛 嚟嚟去去都係嗰啲嘢 都唔知你哋上堂做乜 *我都唔明你哋唔明啲乜 聽到呢度嘅時候 我嗰陣勁想駁返一句：我都唔明你唔明我哋唔明啲乜😂💢 咁我哋冇人識自然就冇個答案 但係佢又好少比提示 比親都冇咩意思嗰啲 咁我哋點樣繼續⋯次次都係要等我哋班比較勁嘅同學絞盡腦汁計出嚟先有得繼續(⁎⁍̴̛ᴗ⁍̴̛⁎)
再唔係就喺學上個post樓主話齋 佢同佢女朋友（老婆）喺度嗌交 仲要嗌到超嘈次次都係嗰啲無謂嘢 有一次仲好似因為兩邊都唔想執返跌咗喺地下嘅物品而嗌交 最後佢老婆諗住走 佢仲話：係走就快啲走啦 到最近隔咗三四日上佢嘅堂難得世界清靜 冇嗌交 唔知佢老婆係咪仲未返屋企呢😂 其實我哋屋企人俾錢真係唔係為咗開咗部電腦呆坐食花生 真心學唔到嘢囉咁樣…
仲有樣比較好笑亦都好無奈嘅嘢 就係佢上堂通常都好鍾意食嘢 一食就食拉麵嗰啲 跟住次次都喺度suluuusuluuuuusuluuuuuu 真係唔講以為我播緊ASMR…😊 我都係想上堂姐係咪咁都要引我食嘢
Okay講到呢度 其實仲有啲比較搞笑嘅嘢 大家有興趣嘅話我下次再投稿😂 叫人奶地下或者非禮我又我聽過又冇見過 不過以佢咁嘅人做啲咁嘅嘢都唔出奇㗎啦😌但係沮咒或者諷刺嗰番說話我有聽過！唔知我同樓主係咪同一班學生呢😂
其實我覺得冇咩人會真係估到會有covid 亦都估唔到呢啲咁突如其來嘅教學安排 但係如果世界上好多老師都可以應付到咁嘅安排 而佢應付唔到 咁會唔會係佢教學方式有問題呢？ 我相信呢排有學生想補嘅話 多數都係網課㗎啦 咁就無謂一個月比千幾蚊上啲咁嘅質素嘅課堂啦😂 相信如果要補數學嘅話香港好多地方都有 一定好多老師都比呢個老師好 希望大家冇乜嘢嘅話都唔好搵佢啦👋🏿 搵個實際啲嘅老師幫你提升成績好過啦！
呢間補習社喺東區 某廣場 __教育 阿Sir叫利sir!~
Sorry for 1999
Byeee