#NSS個人
[Guest] 我真係好攰好大壓力 唔知點算好 希望大家可以俾d意見 thanks
(sor for 1999
大家好 小妹今年16 呢排好煩 想問吓大家一d意見
係咁嘅
上年我因為俾我阿爸家暴 搞到要入院 仲要見埋社工 差d報埋警
雖然呢次唔係第一次 但係我喺呢件事後 就搞到好大壓力好down
會成日諗起佢之前係點樣用隻手勒住我條頸 一路講住我有幾黑人憎
會諗起我為咗阿媽同佢鬧交 搞到哮喘復發 吸唔到氣 仲係咁挑釁我繼續同佢鬧交 完全唔理我嘅死活
雖然過咗差唔多半年 但係我仍然放低唔到呢d事 我亦因此已經無同佢溝通好耐 俾人斷哂錢 (連飯錢 八達通錢都無 利申小妹從來都無零用錢 而家只有過年剩低個少少利是錢苦苦支撐
而呢排留咗係屋企好耐 想同frd出去行吓放鬆吓都唔得
而阿媽亦每個月都要還卡數 無可能再因為我玩樂而要浪費錢 (供樓啊 水電煤啊 保險啊 家庭所有開支都係佢俾
我阿爸每個月剩係俾8000家用 佢之前講過叫我阿媽俾住錢先 話會還嘅都無咗回事 提佢仲理直氣壯 話俾咗我阿妹嘅住院費 就唔俾返我阿媽
所以我而家就成日講錢 勸我阿媽慳d錢 而我因為唔同我阿爸溝通 呢排脾氣又差咗 佢哋覺得我無理取鬧
當佢哋話我咁不滿就搬出去 我就叫佢哋俾錢我就得 之後佢哋就話我無人性 剩係識講錢 一d親情都無
我心諗 一對父母連一d愛都無嘅家庭 (我阿爸係我細個嗰時出軌
何來親情？即使有 亦只是我阿媽對我嘅養育之恩 同我阿妹嘅姊妹情
而呢排我即使係見到佢 就已經覺得好噁心 翻哂白眼 少少事我都會覺得好嬲 搞到頭痛 心口痛
舉個例子 我整咗個甜品 而佢無端端行過嚟 用一隻俾我阿妹吃過嘅匙羹 食(我由細到大 都唔吃人d口水
本身我已經好討厭我阿爸 仲要有口水係上面 我完全接受唔到 勁嬲 搞到心口痛 返入房想靜吓都唔得 俾我阿媽鬧咗一餐
我本身已經好忟憎 再加上我阿媽嘅唔理解 我好嬲好sad 少少聲音都接受唔到 eg. 吃嘢聲啊 吸氣聲啊 等等
整整3個鐘我係張床都訓唔著 最終都係同frd呻 同做功課先冷靜到 (功課係個日要交先做
我知道我成個人都好有問題 成個神經病咁 我呢排已經搵過唔同嘅情緒支援啊同老師傾訴啊 但係仍然好辛苦 好大壓力
請問大家可唔可以就住
我點樣可以搵到錢
(要暑假好先可以出去搵錢
仲有一d可以減少d壓力嘅方法俾小妹呢？感激萬分
sorry for 1999 同睇完呢篇又無條理又長嘅文 thanks