#NSS學校
[(guest)] 講重點之前，容許我講一講學校測驗制度🙏。我學校每一個星期就會進行一次中文測驗。每次滿分30換言之即係15分合格，如果唔合格一次要當日留堂，冇得食飯。如果要食嘢只可以食乾糧。加埋唔合格要將成份測驗抄一次。雖然呢個懲罰幾嚴苛，不過的確可以逼到人哋溫書。
咁講番先，上個禮拜就測驗咗一次中文測驗默書宋詞。當日係星期六佢先公佈成績，所以留堂要下個禮拜一開始留。咁我就抵死溫書唔夠熟同充足，所以收到嗰分發現得14.5都唔意外，亦都心甘情願留低溫書。但我係星期一返到嚟學校收到份卷，發現原來佢因為我冇寫日期扣咗一分，我原本係合格嘅。不過冇得好講，呢個都係佢評分準則。但係呢個阿sir數學唔好，咁我再三翻閱試卷睇下佢有冇計錯分或改錯。最終畀我發現左個錯處，所以我打算放學搵佢修正。
到咗放學時間，我去搵阿sir修正。我係咁講嘅：「阿sir分數計算可能有啲錯誤喎，可唔可以幫我改下？」
我認為自己都好有禮貌咁樣請佢修改，但係佢話唔使講啦，你呢啲唔寫日期嘅人應該受下懲罰。我即刻連忙解釋話並唔係講緊日期扣分嗰度，但係佢完全唔聽將我拒之門外。我當然唔甘心即刻搵同學一齊檢查測驗卷，發現的確有錯。所以我同啲同學搵返個阿sir改，可能因為群眾壓力佢終於幫我睇下份卷有冇錯誤。最終嗰個錯處。我應該係啱應該攞到一分，但係阿sir就話一定係你派咗卷之後自己寫返上去。我感到好驚呀阿sir竟然直接誣捏我。我即刻反駁佢話，啲筆記顏色一樣我又冇用塗改帶塗改液。咁都可以話我改咗，其他同學都附和。最後佢就幫我改咗加多一分，我變咗合格可以唔使留堂。但係走嘅時候佢話記住睇路，佢以後會對住我嚟打，專捉我錯處叫我小心啲。即係話佢會專針對我，估唔到阿sir竟然大言不慚咁樣講出呢啲咁嘅言論，我既憤怒又不安，到底我而家可以點算好？