#NSS個人
[GUEST] 小妹05，由出世開始就有皮膚病：雞皮膚同蛇皮膚，細個只係覺得好核突，但係平時又唔會避忌著短袖同裙。
但呢幾年真係因為皮膚搞到自己好自卑，裙、短褲都唔敢著，幾熱都好，都係着住條長褲。每次見到自己啲皮膚都會覺得好嘔心，番學又驚俾人見到我啲皮膚，覺得我係異類，所以平時番學都會着住冷衫，夏天唔俾着長襪都照著長襪。
屋企人都冇帶我去睇過皮膚科，佢哋話冇得醫，同埋佢哋都冇皮膚病，只係阿媽少輕微嘅雞皮膚🤷🏻♀️又話18歲之後啲皮膚會靚番（都係佢哋自己猜測），但我過幾年都18，一啲好轉都冇…
之後我上網查話要做療程先可以康復？唔係太肯定係咪醫我嗰隻皮膚，但起碼都要幾皮嘢，屋企人又唔係太有錢，又唔係啲咩好緊急嘅病，所以都係算數。
但我好驚我啲皮膚會陪住我成世，甚至影響到下一代，話唔定會有人要都掉頭走。
我想問下有冇人有呢隻皮膚病或者類似經驗，究竟點樣先可以變番好似正常人嘅皮膚咁滑咁靚咁…真係好羡慕你哋…