#NSS其他
[GUEST] 我想回應下 #NSS210226D
屌你啲咁撚識尊重人嘅人
(篇文有啲長)
第一, 你話你姐姐聽唔明你啲指令, 咁你自己都識講佢唔係太識講廣東話啦, 咁你咪用英文解釋多一次囉, 你自己唔好好交代仲鬧人. 如果你唔肯定佢聽唔聽得明嘅話你咪再問多佢一次囉. “以為” 大曬咩.
第二, 你話佢成日搞你啲figure 同kpop嘅週邊, 你有冇諗過佢點解咁做? 佢都係盡佢職責啫, 你唔想佢搞你啲嘢嘅話咁你咪好好地同佢講囉. 我自己都有玩figure, 但係佢哋全部都冇事啦(有工人姐姐), 溝通咪得囉, 有冇諗過係你嘅英文太差? 如果佢真係繼續搞你嘅話咁係咪鎖門囉, 以後你自己嘅嘢自己清潔, 你間房嗰啲吸塵呀剩下自己搞好唔好?
你自己根本就有問題, 唔通就唔可以同一個姐姐好好和平咁相處? 尊重呢樣嘢咁簡單你都做唔到我諗你係真係冇帶到嗰個人囉. 唔鍾意咪炒佢囉, 你自己要選擇請一個姐姐你就要預咗有呢啲問題㗎喇, 同埋就要包容佢.
最後我都希望你開設身處地諗下佢點解會嚟香港做姐姐, 咪就係因為屋企貧窮囉, 你自己請得起一個姐姐, 可能你就係因為呢樣嘢而非常自豪, 以為你自己高人一等, 覺得可以點樣鬧個”工人”都得. 我想講工人姐姐都係人, 都係要被尊重, 同埋佢哋唔係叫工人, 係叫姐姐.
Sorry for 1999, 語音輸入有錯字請見諒
14:15, 26-2-2021