#NSS社會
[Guest] 如果講顏色，我原本應該係綠，不過近排開始偏向黃
由於阿爸阿媽都係藍 (雖然非激進而且淺藍不過總之係藍)，同大八年嘅淺黃阿哥又好少傾偈，自自然然細個嗰陣都係藍，不過大大吓睇到新聞，知道發生咩事就變咗中立，我一直都冇玩大陸apps, 抗拒中共，不過有睇tvb
我班同學好少傾政治，喺屋企又唔會接觸到黃絲，咁究竟係咩導致我變黃呢？就係國安法嘅一連串措施，立法會單嘢我唔喺度講，始終對我冇乜大影響，令到我好唔妥嘅係，而家學校個個禮拜都有升旗禮，南京大屠殺又要悼念咁，如果冇升旗禮，星期三班主任課嗰陣時會係reading period, 所有同學都要帶本書返學校睇咁，雖然嗰15分鐘其實冇乜人會認真睇書，不過學校呢個安排至少係合理吖，有升旗禮嘅話，全校要喺班主任課前十分鐘去到hall, 跟住企足20分鐘，都唔知做乜，其實奏國歌+升旗+校長致詞夾埋只係5分鐘，剩低嗰15分鐘係講嗰啲國家安全/中國有咩成就之類嘅嘢，冇錯，升旗禮基本上只係5分鐘，跟住就要企喺度成15分鐘喺度聽個老師講廢話，唔係睇書好啲咩，對學生成績同埋其他方面嘅發展都有多好多好處
至於南京大屠殺紀念日，又喺度播片，中學生就多數唔會驚㗎啦，不過嗰日本身係bk sharing time, 即係有幾個同學會出去做口頭讀書報告，呢個咁好嘅機會俾同學練speaking, 而家喺度播啲唔知乜鬼片，我覺得要令學生愛國，唔應該着重喺打仗嘅時候敵軍點樣打中國，戰爭始終都係你打我我打你咁㗎啦，反而應該着重喺國家有咩成就，教育局話要播片真係自己攞嚟搞
我純粹都係做一個分享，希望大家唔好diu我
sor for 1999
admin pls post ig