#NSS家庭
[Guest] Admin post IG please🙇♀️🙇♀️
是咁的，小妹今年中二，覺得好似無被阿媽尊重過。上個禮拜我無端端收到個通告就話我要去參加唔知乜班，咁我就問我阿媽點解會有呢張通告，係咪send錯左，阿媽就同我講話佢幫我報左，但係佢都唔清楚係乜，話反正免費就幫我報，唔好蝕底。但係我個日其實有其他興趣班，而且都係我幾鍾意嘅，我就同佢講我唔想去個班，但係佢又話唔畀我去返其他興趣班，我無辦法只可以去，但係其實我對個班完全無興趣，佢自把自為咁幫我報左，無尊重過我嘅意見。咁都算啦，但係琴日佢將我啲嘢當垃圾抌左。我平時都會睇動漫同埋打下機，亦都會買啲figure或者扭蛋，如果誇張啲嚟講呢啲嘢可以算係我嘅精神支柱，但係佢無問過我就將個啲嘢抌晒，我就問佢點解啦，佢就話呢啲嘢都係垃圾然之後又鬧我買啲無用嘅垃圾返嚟，又話我啲嘢唔擺好關佢乜事，但係其實我擺係書枱上面唔係其他地方。
我而家好多嘅figure同扭蛋都無左，仲要上個啲完全唔知乜嚟嘅班，有啲崩潰，可以點算？
Sor for 1999