#NSS學校
[GUEST] 求admin po ig，我而家真係唔知可以點做
件事係咁嘅，話說前幾日就見完家長啦。個班主任操行都俾得我唔差，但係佢評我朋輩關係係B，咁但係佢有話唔係差。但之後又話好欣賞我有時班會活動好投入，令到同學笑，帶動到個氣氛。咁如果你話我唔係差嘅，點解你唔俾A我？
係上學期經歷面授課同網課，你淨係睇10-11月，就已經可以知道我朋輩關係係咪好？係咪喺小息時見到有伴同我一齊傾偈就係好，冇就係唔好呢？老師真係好主觀，你點知我冇伴傾偈呀，只係你見唔到姐。同埋我唔好彩，我最friend嘅朋友唔係同我同班。
第二樣野，佢話我可以識多啲朋友。我自問自己真係open咗好多，又做班長同講多啲自己嘢，希望人哋了解我多啲，係我可以能力範圍內可以做到的事情。我亦都好願意同人相處，甚至可以做朋友，咁但係人哋肯唔肯同我做朋友又係另一回事。班上總有啲同學係特別受歡迎，有啲係文靜嘅，受歡迎嘅固然攞A，文靜好似我咁嘅就係B。班主任講到我應該要同多啲人交流，你估我唔想咩？問題係所謂多朋友同受歡迎，朋友多有咩用，如果佢根本唔係真誠咁對待你嘅話，呢啲朋友唔要都罷。我自己有個經歷，就係所謂受歡迎，其實只不過係啲人當你on9仔，你只係一個笑柄，根本談不上受歡迎可言。講真我係我自己嗰班，好似冇乜嘢咁，但總係覺得有啲唔妥。我覺得自己同同學嘅距離好似好遠咁，佢哋好似想避開我。咁但係我又覺得你同同學相處唔黎就係咁㗎啦，你人緣未必好好，但你作為老師應該要明白依樣野，未必個個同學都識同人相處，但你唔應該咁主觀去評人哋操行。
有一次個老師仲離譜到問同學A「點解大家好似成日避開佢(我)咁」，個同學就話唔知。先不論佢嘅真確性，因為我都係喺同學B度聽返嚟。我想講，你有嘢想問或者想幫我解決問題嘅話，你咪直接問我囉。點解你要問啲同學呢？你都識講我同佢地相處得唔係幾耐啦，佢哋講嘅嘢你可以盡信？可以作為你衡量我朋輩關係嘅操行咩？
事後同學B同我講，因為女仔果邊同啲比較乸型嘅男同學會傾得埋啲，另外就係我低估左女仔傳八卦嘅速度。
事緣今年個班主任係個啱啱大學畢業嘅Miss，咁佢都幾靚女嘅。咁我作為男仔，青春期唔多唔少都會對佢有啲好感，鍾意佢咁啦。啲女同學就覺得依件事好唔正常，所以就避開我。我唔明兩者之間有咩關係同邏輯。其實依件事好正常啫，你啲女同學都會鍾意阿Sir啦，我哋男仔嘅都唔會覺得有咩特別，但我因為咁你哋就避開我，好雙重標準囉。況且我都唔想再諗鍾唔鍾意嘅問題，我只係想順其自然咁過日子，話知佢啦。
最後就係學業問題啦，因為個Miss係教我Bio嘅，咁佢都話你達到目標，有60分。講真啦，我真係覺得你喺度潑我冷水，60分咁都叫高？我想問一份容易嘅卷有60分值得高興，定係難嘅卷先值得高興呢？
其實好多謝大家睇到呢度，我依家最大問題就係：
1.點樣令到女同學唔避開我，亦都可以同其他同學做吓朋友
2.點樣可以令成績有進步，可以每日分配好時間做到自己想做嘅嘢
3.操行
講真我自己真係唔知我自己嘅方向，我唔知應該點做。尤其是聽到同學B同我講，個班主任問同學A點解大家好似成日避開我，同埋女同學避開我嘅問題。我就覺得好恐懼，唔敢返學，但如果不斷請假又會俾人知道你逃避問題。我諗我可能應該有咁遠走咁遠，去一個冇人知嘅地方度生存，可能我會仲開心。
大家可唔可以俾啲意見我，我可以點做啊？我係咪太天真啦？以為啲同學講完八卦，聽完就算
同埋都可以比下意見我，從我講嘅嘢當中，有啲咩地方係好明顯可以改善下