#NSS愛情
[guest] 見到最近有個關於師生戀嘅post
我都想表達下自己一直唔敢同人講嘅心意
.
我嘅理想男友係又高又靚仔又有錢
而你 又唔瘦唔高又醜 個頭仲要成日gel得好樣衰
但係就係唔知睇中你邊一點 沉左喺個好難浮翻上岸嘅船
一直唔敢同人講我鐘意你
或者因為大家都覺得師生戀係件天方夜譚嘅事
又或者會被世俗嘅眼光所破壞
有時候同學會話我地好close
甚至話我地好噯昧
表面上嘅我表現到好無奈好唔情願
實際上嘅我內心都唔知笑得幾開心
有時候我會借啲意揾你傾計
但係你總係好快就終結左個話題
所以我成日諗你係咪唔識同女仔講嘢
每一次你嘅回覆 只會令我一次又一次咁失望
曾經同過自己講要放低你 但一復翻課見到你同聽到你把聲
我內心嘅漣漪就再一次掀起
或者你會話 呢個只係對老師嘅一個仰慕
但我知 一定唔係
撘巴士悶嘅時候會諗你做緊咩
臨瞓前望住窗口會諗你瞓左未
如果我有咩意外我會希望你係第一個嚟救我
行街嘅時候我會諗會唔會偶遇到你
平時喺大家面前嘅我會表現得一啲都唔在乎你
但你病嘅時候我總會係第一個問你有冇事
而我病嘅時候你總會叮囑我要快啲瞓 準時食藥
簡單嘅一句 已經足夠我開心成個月
仲有一年就畢業
你 可唔可以等我？