#NSS家庭
[XX中學😂] （純粹發洩！！！！第一次投稿.講嘢199.唔好意思🙇🏼♀️長文…）本人本身都好外向.都有幾多朋友.同級嘅每一班都混熟曬.但係從來都冇同佢哋講過以下嘅事.自己好似唔應該將負能量畀佢哋😓.同埋唔想畀人知道.所以只好係secret度發洩.（希望唔好畀佢哋知道係我啦😢）
我細細個唔係同屋企人住.同親戚住.屋企人一直都會畀好多錢佢哋養我.直到小學一年班我返咗屋企.但係我老豆喺外地做嘢.半年可能先返嚟三四次.同佢嘅關係一直都唔係好親近（？而且佢個人好嚴肅.我真係好驚佢.直至兩三年前.我老豆返咗嚟香港同我哋一齊住.其實我都feel到佢好想同我哋打好關係.佢好努力搵錢.買嘢畀我哋.但係可能出面做嘢太辛苦.成日返到屋企都會發脾氣.我真係好驚佢.佢成日會同媽咪鬧交.向我哋發脾氣.
每一次同佢同我講嘢我都會「扮」到好開心（？咁…
今日屋企有人生日.自然我老豆好早就返咗嚟屋企.但係又因為啲小事鬧交（或者可以講係佢向我發脾氣）.聽到忍唔住喊咗.佢講啲嘢真係好難聽.佢見到我喊.當然又鬧我啦.仲要旭埋手（好彩我屋企人阻止咗佢）最後我忍住咁同屋企人慶祝生日.扮開心扮冇嘢.但入到房自己一個人喊到傻咗.（屋企人都唔知）我覺得我真係頂唔順啦.真係好辛苦…
（喊住咁打呢篇嘢.所以有啲199.唔好意思！！！）