#NSS家庭
[guest] 我而家中一，但係一個月係得20蚊零用錢， 我啲表弟表妺個個讀小學，啲零用錢都唔知道多我幾多倍， 咁我曾經都有同過阿媽講要加零用錢， 但係佢就話先啱啱中學，而且而家因為疫情半日制又唔需要出去食飯， 但其實我想講我有時都會有啲嘢想買或者要同班friend出去食飯。 跟住佢就喺度同我講話，出去食飯冇用㗎，淨係識得嘥錢， 但佢根本都唔明係我呢個年紀友情大過天。 我諗係因為喺佢細個根本冇零用錢， 跟住佢就好封建咁諗話我都唔需要零用錢， 但我想講而家咩年代呀， 就咁行下街都會有嘢想買啦。 跟住我同佢講嗰陣佢又話先中一點解要咁多嘢， 文具又唔係唔夠衫又唔係唔夠， 點解要買咁多奢侈品。
其實我都想同佢講下道理， 但係佢好似真係完全都唔明咁。 我都知佢返工賺錢係辛苦嘅， 但我哋屋企又唔係窮嗰種。 佢人工都幾高唔致於少少零用錢都畀唔起。
究竟有咩辨法先可以令到佢增加我嘅零用錢