#NSS個人
[Guest] 單戀真係好好，可以盡情地鍾意一個人或者花心啲鍾意幾多個都得。幾時覺得鍾意到悶又可以停，唔洗煩任何野 自己鍾意就得 。 但唔係人人都得，要頂得順個種自己恨不得同佢結婚個種心情同時人地當你路人甲。我自己當我暗戀+單戀完一個你當完左一段感情
所以當自己A4，係自欺欺人㗎啦冇計啦。
自己同性戀又鍾意大個自己，根本上鍾意上任何人都冇可能一齊，整定成世都冇可能幸福（呢方面）。有時真係諗前世做左啲咩要搞到咁慘，生係一個反同反到想殺死全世界同性戀嘅家庭。我由小學開始懷疑自己性向到而家中五終於夠膽承認自己性向. 曾經對愛情充滿希望嘅我到而家諗起都覺得算啦收皮啦嘅我。
點解啲人要反對同性戀係有問題 係有病 點解？
我老豆老母見到同性戀直頭對佢地講晒粗口 ，我呢啲廢柴就係到扮冇野 。
我就係fd同屋企人而面前扮晒野鍾意男人，睇奧運又扮野講邊個邊個好正，其實我暗地睇緊女人。
好辛苦
打呢篇野純發洩 ，所以係完全九唔搭八 自己都唔敢睇返。
同埋想問下咁多位點樣知對方係咪les?
同埋想問下勇敢同人講自己係同性戀嘅各位點做到同人地承認自己嘅性向？🙏🏻
真係好respect 任何敢同人講自己係同性戀，呢條路絕對唔容易 你地個個都好勁 好有勇氣！
知道同性戀係正常到冇得再正常，但始終而家都唔係大部分人接受到。
sorry for 1999🙏🏻🙏🏻
唔該晒admin 花時間po 我呢篇廢文
（第一段好似完全唔關事😅）
如果有冒犯到任何人真係真係唔好意思Sorry!!!!