求admin post ig thx🙆🏻♀️長文慎入‼️
–
唔知有冇人係網上揾part time比人呃過？我就有個經歷想同大家純粹分享下，亦都希望唔好再有人好似我咁俾人呃，如果唔想睇我比人氹落閘嘅經歷，可以直接跳到第四段開始睇
–
小妹上年十一月尾就因為想賺D外快而係ig揾part time，一開始都淨係想揾D唔洗比會費既part time，就走去dm左幾個人了解下啲工作做咩，其中一個人(下稱a)一開始就俾左一大篇文我解釋話唔使比會費、押金之類既野但係要比開通戶口費，又話冇二次付款，之後會退全款果D，咁我咪問佢幾多錢，佢話$260，咁我就話唔使啦，然後佢就同我講話入職有D咩福利，咁我就俾啲福利引誘住，又繼續問佢野，咁a就介紹啦，但係我一諗起開通費就驚比人呃唔想入職，但係之後都比佢說服左令到我比左錢佢
我比完錢就send左張單佢，咁佢就同我講等一個鐘財務部對帳，之後就比左個老師我。僕佢個街，個老師又同我講話要比錢升級服務器果D，咁我咪問佢要幾錢，佢就話$250，之後會退番，連同福利一齊比我，我就問番a又話唔使比第二次，佢同我講話第二次唔係喺佢度比錢喎，咁我咪屌佢老母鬧鳩佢炸佢機叫佢退款咁，佢一開始已讀不回，咁我就狂視像call佢，之後block鳩埋我。咁因為我貪心想拎番D錢，又比左$250，個老師又比左另一個老師我……
今次係wts黎，咁我就wts佢，佢又同我講話要比錢，今次係最後一次，仲要係$600。。。於是我又炸佢機屌柒佢叫佢退款，佢又話一定要比哂錢做完一單先退到款，咁我又比左。於是佢就send左篇野叫我download大6 apps QQ加個人，咁我問佢有冇其他apps可以工作，佢就話冇，無可奈何就download 左啦(依家delete左)
等左兩日QQ個人終於通過我好友，send左個grp既link黎叫我入grp，重頭戲黎喇，我入左個grp，之後全員禁言，有人係grp send工作D單，咁我就做啦，做完send埋比老師，個老師唔撚覆我，一仙都冇收到，grp又有人send話招人入高薪職位，要做就加佢，我加左佢，於是就入左高薪職位個QQ grp喇
高薪職位係叫做代理，即係要招人比錢果D先錢收，比左第一次錢就有$80工資，第二次就有$30，第三次就冇，仲話要係1個月內招夠20個人比左錢先可以拎番錢喎，我果下呆撚左，點會招到人入職比錢，果陣既我仲未意識到佢地係呃人既，咪係限期內招左20個人入職，然後揾隊長申請退款，我真係屌鳩佢老母，佢改口同我講話要20日招夠先有得拎番退款，我cap埋紀錄比佢睇係佢講，佢同我講話係佢當時講錯，我咪同佢講話關我撚事，佢話盡量幫我申請退款，之後又話申請唔倒，咁我咪話要報警囉，然後佢就踢左我出，又叫我招夠五個人俾錢先可以入番職，仲話手頭上有我資料黎威脅我，話我都呃過人(其實唔係我收錢但係有份叫D人dm收錢老師ig)，佢有辦法對付我，然後嘈多幾句del埋我好友
之後我就係招人個Ig公開呢件事，事後嘅第二日我acc比ig ban左，係個團隊D人黎report我，因為我阻住佢地揾食，最後我都盡量揾左D免費賺錢既方法黎補償番之前比人呃果20個人，有D人賺番返黎，但係我真係好後悔，始終做左D虧心事，希望各位唔好同我一樣比人呃❗
預左會比人屌我又僕街又on9之類既野，希望各位唔好屌得咁大力，Sor for 1999
–
投稿時間 24/1/2021 01:29am
Thx admin🙇🏻♀️