#NSS社會
[Guest ] 長文 sor for 1999
大家覺得喺網上面討論藝人樣衰係咪一件好事？
最近無聊上咗去連登度睇
係熱門度見到有人討論緊某個藝人團體邊個最樣衰
我諗有一半人嘅說話未算好難聽嘅
但淨係我見到呢個討論
我個心就有少少唔舒服
我都冇話特別鍾意嗰個藝人團體
但係我覺得即使佢哋係藝人
都唔代表比其他人去批評外貌
我覺得呢個係尊重嘅問題
假設嗰啲藝人藝人就係我嘅同學
我同我嘅朋友喺度傾嗰位同學樣唔樣衰
我覺得已經唔係好尊重
而且喺網上邊比起真實世界更加直接
嗰個藝人會睇到呢啲討論
但如果喺學校
被討論嘅同學都未必會聽到
至少冇當面咁批評人
而且網上邊我覺得冇啲比較偏激嘅言論
喺度鬧人地樣衰
其實係等於人身攻擊
可能有人會話出嚟做藝人就預咗㗎啦
其實我認同嘅
其他人要喺網上面嗰啲乜嘢
我哋係冇辦法去控制
而總有啲人就係會唔鍾意某啲藝人
就係鍾意討論某啲藝人
而且講嘢唔經大腦
覺得係網上講咩都唔使負責任
講一啲人身攻擊唔尊重人嘅說話
所以做得一個公眾人物呢樣嘢必須要去面對去承擔
無視又好接受又好
但係「預咗」唔代表就應該俾人「人身攻擊」
呢個世界上任何人都應該備受尊重
(除咗殺人犯強姦犯啦)
雖則話有啲藝人可能係靠樣搵食
但係真係冇必要要比人哋鬧樣衰
但可能真係有啲人覺得喺網上面嗰啲乜嘢都唔使附上法律責任
但係攞韓國呢一個我覺得網絡欺凌比較嚴重嘅國家來講
佢哋都真係有好幾位藝人
因為俾人哋網絡欺凌而患上抑鬱症
甚至失去左生命
或者香港而家嘅情況唔係咁嚴重啦
最後呢個純粹係我個人感想
我覺得會想喺公眾平台咁樣討論人哋外貌嘅人
其實心地都唔係咁好
我有陣時都會覺得某個人佢真係好樣衰好柒
但係我都唔會特登將呢樣嘢擺上網講
因為我覺得嗰個人聽到呢啲嘢會好唔開心
而其實佢係冇必要為咗呢啲嘢而唔開心
佢冇必要要承擔呢啲嘢
所以有時候我呢啲說話都係擺返係心入邊
會唔會有人comment話上連登勿認真😂(應該冇