#NSS個人
[香港好快會有好轉!!! 香港人撐住!!!] 小弟今年大嘅暑假嘅時候移民嚟咗英國 嚟英國當然唔係自己嘅主意啦 香港發生緊咩事大家都好清楚 點解咁多香港人要走 大家都好清楚.嚟咗就嚟半年 個心仍然都係離開唔到香港.
一開始嚟到英國 人生路不熟 當然日日都唔開心 日日都會喊啦 相信好多人都係咁 每一日都好想返去一個熟悉嘅地方 聽到熟悉嘅語言 好想留喺自己鍾意嘅地方.見到香港d frd日日都玩得好開心 見到佢地po story我會猶豫一陣撳撳入去睇好 因為睇完之後又會想喊 就會喺度諗 點解我會係嗰個被選中嘅細路??? 點解咁多人 偏偏要係我走? 真係可以每一日都以淚洗臉… 唔開心嘅時候就會同frd傾吓 佢哋個個其實都好supportive 都會安慰我 其實我當時真係好開心 但係一cut線之後 又會開始喊… 我都覺得自己好煩) 加上英國同香港又有時差 冇可能永遠都依賴佢地 所以最後都係自己收收埋埋咁喊.
直到開始返學 一返學校當然都會遇到香港人 然後發現原來唔係得我一個啱啱嚟嘅時候會咁 之後其實喺學校呢個陌生嘅感覺同埋環境 當然又係唔慣同唔開心la… 雖然喺呢度日日都好輕鬆 教嗰d嘢全部都好簡單 香港全部學過哂… 功課又冇乜 都真係幾chill 不過我更加掛住以前每一日都好充實嘅日子 每一日都有d嘢做 放學就同班frd去食飯 而家其實返學都唔知為乜… 日日返去坐幾個鐘就放學lu
之後依家就係會喺度諗…我相信香港喺呢幾年入面 一定會有好轉嘅 我相信大家好快就可以返返去一個好有人情味 親切感同埋熟悉嘅環境 好快我哋就可以返去自己嘅”屋企” 唔使因為咁而令到咁多香港人覺得焦慮 躊躇 同埋忐忑不安… 而之前有一個frd同我講”恭喜你可以離開呢個冇咗自由嘅地方…” 我當時都唔係好知道點解. 之後慢慢我就開始get到佢講乜 所以我相信只要咁多香港人一齊團結 我哋好快就可以返屋企. 依家其實我哋都冇得揀 只可聽阿爸阿媽話… 咁就唯有當係去一個長少少嘅旅行 到時香港真係穩定返 我地咪返去囉 而我亦都相信一定會有咁嘅一日:) 最後講多句
香港人加油啊‼️ 頂住啊‼️
以上全部純粹係個人意見*
Sorry for 1999