#NSS個人
[GUEST] 純分享～～～
hello大家好 小妺今年F5 自細喺一個普通到冇得再普通嘅屋企成長 屋企雖然唔係有錢 但都唔至於窮
每個禮拜嘅車錢100蚊 食飯錢就計45一餐 嗰個禮拜要食幾多餐屋企人就俾幾多錢 唔會俾多
但其實學校附近嘅餐廳一個普通嘅餐都要五十幾蚊 再食好啲就60以上 最平就係大快活同食麵包 如果我自己一個人食嘅食多幾餐麵包什至唔食我都OK 但係有時成班frd都會話想去60蚊以上一餐嘅餐廳食 我又唔想掃興所以就會默默跟埋去一齊食 之後嗰幾日就唔食或者食好少嘢
有次同佢哋傾計講屋企人會俾幾多錢自己 原來佢哋一個禮拜都有500蚊飯錢 車費屋企人另俾 仲有另外買自己鍾意嘅嘢嘅零用錢 當時我真係呆左…原來人哋嘅飯錢多我一倍 幾十蚊一餐對於佢哋嚟講其實係平
之前有幾次佢哋即興話去食韓燒打邊爐 大約二百幾蚊左右 我直接講左個藉口唔去… 我睇住佢哋出嘅story 真係好唔開心 當佢哋講返關於嗰日嘅嘢嗰陣 我又唔明佢哋講乜 感覺上我好似個局外人咁
諗返起嗰對已經著左差唔多三年嘅出街鞋 我前幾日見到一對好鍾意嘅鞋 但係屋企人講左句 “你返學又唔係著呢對鞋 放假又唔係成日出街 一個禮拜最多咪著得一兩日 “
對比我更少零用錢什至冇錢嘅人可能會覺得我串緊你哋 覺得我唔知足 但係由此至終令我唔開心嘅都係屋企人唔係冇能力俾錢我 而係唔捨得俾錢我用…已經同佢哋傾過 但係佢哋又話我用得太多錢 中學生唔需要用咁多錢…唉
想問下大家有冇建議俾我同埋點睇呢件事🤔？thx
多謝您睇到最後💜
亦都唔該曬admin👻～